Jy kan ’n goedkoop, draagbare braai met die binneste drom van ’n ou wasmasjien maak.

Maak ’n ring van ronde yster, net-net kleiner as die omtrek van die wasmasjiendrom. Buig drie stukke yster elkeen in ’n U-vorm vir die pote. Let wel: Die pote moet net korter wees as die hoogte van die drom. Sweis dan die drie pote eweredig uit mekaar en met ’n hoek van 90° aan die ysterring vas. Nie alleen het jy nou ’n staander waarop die wasmasjiendrom kan rus nie, maar die staander pas boonop binne-in die drom en dit spaar jou pakplek agterop die bakkie. En jy kan ook nog ’n gawe vraggie hout tussen die pote binne-in die drom pak.

Ek het ’n gat onderlangs ingesaag om my gaspyp-aansteker by in te steek, sodat die rubberpyp buite die drom kan hang en nie so warm word nie.