Kampeer in Pretoria

Monateng kan nogals ver raak indien jy heen en weer moet ry. Ek reken Nkwe is baie nader aan Tuks, en steeds baie skaflik, en dan is daar so rukkie terug ook van Irene Woonwapark gepraat, maar uit onkunde, kan ek dit nie noodwendig aanbeveel of afskiet nie.

Ek ken nie Fonteinedal nie, maar John het verseker n wenner beet in terme van afstand vanaf Tuks.

Die Fonteine was verlede week nog tjok en blok vol Hollanders!  Ek dink nie daar was plek vir 'n muis nie.  Ek gaan môre weer daar verby en sal kyk hoe lyk dit nou.  Joos Bekker is beslis nie so vol nie.  As ek moet kies tussen die twee sal ek eerder Joos Bekker vat want ek het al gesien hoe die dagbesoekers in die Fonteinedal amok kan maak en by Joos Bekker is daar nie dagbesoekers nie.  Dit is wel bietjie verder vanTuks af.

Groete,

Gster middag verby Fonteine gery - Hollanders is nou weg en die plek lyk leeg. Daar sal dus nou maklik staan plek gekry kan word.

Groete

Johan

Ek het Sondag 20/6 gaan kyk hoe lyk dit by die munisipale Joos Becker Woonwapark want ek benodig 'n paar dae kampplek in September oppad Wildtuin toe en terug. Ek is beindruk met die splinternuwe omheining met lemmetjiesdraad reg rondom en die 24 uur sekuriteit by die ingangshek. Ek vermoed die bestuurder woon op die perseel want daar is 'n bewoonde huis agter die Ontvangskantoor.
Die ablusieblok is skoon en netjies, alhoewel hier en daar word 'n verfkwas benodig. Daar is gras, alhoewel tans doodgeryp. Ek het opgemerk die kragproppe benodig die spesiale blou koppelstuk en nie 'n gewone drie-punt prop nie - maak dus daarvoor voorsiening.
Die kampterrein is baie groot, maar daar was bitter min kampeerders - nie meer as 5 nie. Ek het wel twee kontrakteurs-woonwaens opgemerk, maar dit was netjies en heeltemal eenkant.
Op sigwaarde kan ek dit aanbeveel.

Len

Hallo Pieter,

Ek sal eers my padkkaartboek uit die bakkie moet gaan haal om die presiese straatname vir jou te beduie. Ek kan net vinnig so idee gee van die volgende. As jy weswaarts van Eugene Marais ry gaan jy vorentoe 'n dubbelpad kry. Draai regs (Noordelike rigting) en waar die pad om die draai gaan, moet jy in die linkerkantse baan wees. Jy gaan 'n straat van die linkerkant af kry wat insmelt met die dubbelpad (Paul Krugerstraat). Kort na hom is 'n groot kruising wat jy dan links gaan (Westelike rigting) met 'n slipway, weer in 'n ander dubbelpad in. Gaan direk regs om vorentoe by robot regs in te draai. Op die kruising na regs gaan na die oord, en links na 'n groot winkelsentrum. Gaan dan regs en dan om die draaitjie wat jy die hek van oord voor jou kry. Die oord is ongeveer 4Km van die hospitaal af.

Dit is 'n vinnige verduidelikking want vroutjie jaag my aan, omrede ons moreoggend vyfuur wil haak en sleep vir die naweek.

Ek reken daar sal iemand wees wat jou meer 'n breedvoerige pad aanwysing sal gee.

Ek hoop jy kom reg.

Ryno

Vanaf die Hospitaal tot in die Park is dit 2,8 km. Nader as dit gaan jy nie aan die hospitaal kan kampeer nie (tensy jy iewers 'plak')!!

Pieter

Sekuriteit : kyk kommentaar #11

Hallo Maureen,

Bly julle is veilig terug by die huis en dat julle dit geniet het.

Ja, ek en vroutjie was Maartmaand daar vir 'n langnaweek en dit was rustig. Die sekuriteit is maar die inding in hierdie geweste, en ons gaan maar na oorde toe wat mens meer veilig voel. Die pad wat julle mee gery het na Monateng is die hoofpad na Moloto gedeeltes, dit is die trust gedeeltes waar hulle woon en in Pretoria area werk. Ons het laas in die Saterdagoggend vroeg soontoe gery wanneer dit stiller is en sal volgende keer dieselfde doen. Met terugkeer het ons gesorg dat ons voor 12:00 die middag daar vertrek, sodoende ook van hulle wat by hul gesinne kuier vir die naweek en terugkeer na hul blyplekke in die stede gebied gedurende die week. Die pad is oor die algemeen besig.

Geniet dit daar in die rustige lewe.

Ryno