Waterberg Wilderness Reserve

Middag almal.

Ek weet nie wie al almal hier was nie.? Maar ons het die plek die naweek ontsettend baie geniet. Dit is op die Sterkrivier pad tussen Potties en Naboomspruit.

Die lekkerste vir ons was die stilte en die feit dat jy met jou eie voertuig op die plaas mag rondry. Wild is daar genoeg.En natuurlik was dit net ons(ek en my vrou) wat die hele plek vir onsself gehad het. Daar is net 3 kampeer plekke en 2 permanente tente met n' kuierplek elk. Ablusie geriewe is silwerskoon en voldoende - spoel toilet en storte met opwasplek vir die skottelgoed. Dit was ons eerste keer maar beslis nie die laaste nie.

n' Platkar gaan dit ongelukkig nie soontoe maak nie, en selfs met n' gewone karavaan gaan dit maar knor - liewers nie, in my opinie in elk geval. Selfs n' 4x2 bakkie gaan maar sukkel as jy iets sleep.

Indien daar nog sulke plekke is wat iemand van weet, laat weet tog asseblief. Ons is nie mense wat hou van in n' hok gaan kamp nie, dus sulke oop plekke doen dit vir ons.

Groetnis.