Lekkerste kampplek ooit

Dankie vir die inlgting, dit lyk baie goed.

Hallo Campergirl, is jy deel van die bestuur van die van Nylstroom lodge

Hier is 'n slang in die gras. Geen persoon sal nuut op forum aansluit en sommer 'n plek so prys nie. Miskien is dit die eienaar/bestuurder self wat bietjie gratis advertensie soek

Moeilike een hierdie, miskien is dit maar net iemand wat graag hul ervaring met ons wil deel. maar kom ons kyk wat lyk verdag.

Heeltemal te veel inligting tov van alle aktiwiteite en bestuur ens. En baie min oor die kamplek self.

Kortliks word ons vertel hoe billik is die pryse, daar is nuwe bestuur en dit is wonderlik.

Nou hier in Des was daar ook 'n draad geskep onder kamplekke in Limpopo. Ook 'n nuwe gebruiker met een inskrywing en nog nooit weer 'n inskrywing gemaak nie. Gaan lees gerus die draad. Kortliks wat daar geskryf word. Nuwe bestuur, die pryse is billik en dit is wonderlik. Ook meer van die oord en chalets genoem as die kampplek self. HEHEHE klink vir my maar na dieselfde persoon.

So as dit nou die oord of hulle kennisse self is, wat baie moontlik lyk, net so een of twee tips. Kom hier, se dat jy die oord eienaar is. Vertel ons wat julle alles gedoen het en probeer verbeter, vra vir mense om gerus 'n draai te kom maak en hul kommentaar te lewer en self idees te gee oor wat verbeter kan word.

Maar as jy hier met truuks kom en mense se intelligensie probeer onderskat, dan sal mense sommer aspris negatief wees oor die oord. En dan gaan die free advertising dalk backfire. ja mens kan self nou nog kom jammer se eerder as om verder te wil ontken.

So wat dink ek van wat ek op die webtuiste sien. Konferensies?(word daar parties gehou met musiek en drank by die geleenthede)  Quad bikes? Klink na rustige wegbreek .

Billike pryse? R90 per persoon per nag LAAG SEISOEN? Pa, ma, twee kinders uit die skool en twee in die skool werk dan R500 per nag uit vir kamp in laag seisoen?  BILLIK? R1000 vir 'n gewone naweek?

Kom ons se net pa, ma en twee kinders, R320 per nag laag seisoen. So R620 vir 'n naweek? Jy kan by plekke soos Klein paradys teen R600 per naweek gaan kamp met jou eie privaat ablusie. Ek ken baie smart oorde wat goedkoper is as daai vir 'n gewone naweek.

So waaraan meet jy hierdie Billike pryse? En wat is die oorde waar volgens jou mens jou ore van jou kop af betaal se pryse vir 'n naweek in vergelyking met hierdie plek sin?

Campergirl het net een ander inskrywing. Dit is op die Top 10 oorde draad waar mense se wat is hulle gunstelling oorde van die laaste jaar. Weereens het sy geen inligting oor enige van hierdie "ander" oorde gegee nie maar net die volgende gese.

Nee wat ek is seker dit is iemand wat gratis advertensie wil doen. En soos ek se moet hulle oppas dat dit nie backfire nie. Miskien is dit wel 'n nice plek, maar as jy moet "stories" wil kom, dan gaan die mense jou boikot.

Spaaidie, ek het die draad gelees net nadat dit geplaas was, maar was nie aangeteken om iets te kon sê nie, maar dit was ook my eerste gedagte dat iets nie pluis is nie, en nat daarna toe kom die ander draad se plasing. Ek het my maar weerhou van kommentaar, is deesdae te gereeld "in die sop"!!!!! maar ek vertou hierdie plasing glad nie. Hier kom nou heel dikwels sulke tipe plasings, wat die moddermaker dalk bietjie moet navors, in diepte ondersoek en indien nodig, verwyder.

My 2c

Alyd egte kampgroete.

Frans

NS: Dit is ook 'n baie snaakse manier van op die forum inskakel, geen sleepvoertuig of sleepsel, geenn "groet of dagsê" en geen "koebaai"!!! smaak my "geen maniere"!!

Ek sluk maar swaar aan die een !!!!

Lyk vir my of die "advertensie" ge-"copy" en ge-"paste" is. Hoekom is die agtergrond grys?

Hi Almal

Ek het 'n paar e-poste aan die nuwe eienaars James en Sanet Mubrgh gestuur. Hulle het hulle almal gereageer. Hulle is die nuwe eienaar en het Lodge oorgeneem op 1 November 2011. Ek wou by hulle weet of hulle enige iets van die "Campergirl" weet.

Sanet het vir my per e-pos laat weet dat hulle glad nie die plasing gedoen het nie. Hulle was ook nie bewus daarvan nie. Hulle weet ook nie wie die "Campergirl" is nie. Sy se ook dat sy nie glo dat dit een van hulle werkers kan wees nie.

Ek hoop dit gee meer duidelikheid oor die onderwerp. Ek gaan ook nie meer enige komentaar lewer oor die "campergirl' nie. As sy wou, sou sy alweer met ons gepraat het. Ek glo ook nie dit is regtig iemand wat kamp nie anders sou sy op 'n ander draad "10 kamp plekke" meer kamp plekke genoem het.

Groete en lekker kamp

Harry

Hi Sanet en welkom!

Ek sien op julle website daar is nie 'n verskil in julle laag seisoen en hoog seisoen fooie nie?  Is dit 'n fout?

Groete

Gerrit

Feeutog!

Hallo Pieter,

Wil net gou die draad kaap vir 'n minuut. Met ons tariewe betaal kinders van 12 en ouer volwasse tariewe. Die rede? Vanaf 12 begin hulle alles uittoets en beproef. Na 29 jaar in die bedryf kan ek getuig dat hulle dan begin toiletpapier natmaak en teen die plafon gooi, gloeilampe uitdraai, kennisgewingsborde omdraai ens - alles in die naam van pret. Dit kos die oord geld. Ons het die tariewe al seker 15 jaar gelede aangepas.

Groete