VLOEDBOS BUITE CALEDON

Dit lyk my baie lekker, is dit net ek, of herinner dit bietjie aan van die Drakensbergse oorde? (Sonder die berg...)

Probeer weer vir fotos:

 Ek kan net beaam wat Christo gese het. Wessel en Lani het ons soos familie laat voel vanaf begin tot einde en daar was nooit enige tekorte nie. Die geriewe is puik, warmwater was deurentyd beskikbaar en daar deurlopend iemand van die bestuur beskikbaar. 

Die oord is gerieflik met baie vir oud en jonk en die 4x4 roete kan deur voertuie met 'n ewenaarslot baas  geraak word. My Isuzu het dit reggekry sonder sukkel. 

Kontak hulle gerus vir 'n wegbreek naweek op 0833 591505

Hi daar, ons het mos die Wegsleep saamtrek daarso gemis maar was die afgelope paasnaweek vir 4 dae daar gaan afpak.

Almal wat saam was stem saam die abblusie is nog die beste wat ons die afgelope 2 jaar gesien het. Die ander goed soos die swembaddens,putt putt ens is ook nice to have.

Ons het net een kritiek opgetel. Dis moontlik heel ongegrond maar ons het die sogenaamde reels met betrekking tot die hoeveelheid mense per staanplek en hulle definisie van 'n gesin baie verwarrend gevind. My vrou het met ons bespreking voluit betaal vir twee staanplekke met 6 persone elk. Die groep was opgemaak uit onderskeidelik per staanplek (3 grootmense,3 kinders,1 baba) en (4 grootmense,2 kinders,2 baba's) . Waar die verwarring blyk in te gekom het is dat ons bestaan het uit 4 families met 4 motors. So volgens hulle definisie moes ons dus betaal vir 'n addisionele staanplek alhoewel ons net 2 gebruik het. Dit het amper tot onaangenaamheid met Wessel afgegee toe hy van die groep nie wou inlaat met hulle aankoms nie.

Ek voel hy moet dalk na 'n ander stelsel kyk om sy pryse op te maak.Sy huidige stelsel kan dalk vir ander ook verwarrend wees. Van die meer algemene stelsels is mos om 'n standard prys te he vir die eerste 4 persone plus dan 'n verdere fooi vir enige addisionele persone(gesin of nie). Langs ons het 'n enkel vrou met 'n dome tentjie alleen gestaan en sy moes die volle bedrag alleen betaal omdat sy die 5de persoon was en nie deel van haar vriende langs haar se gesin was nie. Dis bietjie vergesog. En aan die ander kant van ons was 'n vreeslike groot groep met 13 voertuie op 4 plotte(Hulle het darem 'n spaar plot gehad wat hulle nie gebruik het nie want dit was aan die ander kant). Wessel wou ons laat verstaan dat hy ons nie gaan toelaat nie totdat ek die groep langsaan uitgewys het. Toe het hy sy storie verander en gese hulle het ekstra betaal.

Ek wil ook net noem dat ek geensins dink ons het te veel betaal nie. Die prys wat ons betaal het was geregverdig. Dis net die manier hoe dinge uiteengesit is en gehanteer is wat 'n bietjie van 'n smakie los in die mond. Hy het ons laat voel ons probeer cheap wees om so veel moontlik mense in te druk. Die pryslys se duidelik maksimum 6 mense per plot. Daar word wel in die eerste blokkie na 'n gesin verwys.

Jong, as ek jou aantal mense tel en die aantal voertuie sal dit vir my as n oord eienaar ook eienaardig voorkom. Laat dit maar vir ons almal n les wees om die goed met bespreking uit te klaar om daai wrangsmakie te vermy.

Dit dan ook wat ons gedoen het.

En ek kan net weer se dat ek dink nie die prys wat ons betaal het vir die naweek(selfs nadat ons inbetaal het nie) was enigsins te veel nie. Inteendeel die fasiliteite is rerig goeie waarde vir geld. Dit was maar net die verwarrende uiteensetting van die reels. My vrou het seker maar nie ordentlik gelees nie.

Ek persoonlik sal beslis weer soontoe gaan in die toekoms.

Groete almal

Hallo Julle, Vloedbos het nou 'n kouerwaterswembad en die saal is klaar gebou, ons wys tans grootskerm rugby in die Saal, Wessel beplan 'n waterwurm en hoop om dit klaar te kry voor Desember, die van julle wat nie weet wat dit is nie (super tube) - ons het 'n splinternuwe webblad www.vloedbos.co.za gaan kyk gerus daarna, ons pryse is tans R180-00 per nag per gesin van 4 (maksimum 6 mense in 'n gesin, en maksimum 4 grootmense (bv studente wat deel is van die gesin, ouma en oupa ens) - mense meer as 4 betaal ekstra... en ouens as julle nou kom kamp en julle is 'n ma, pa met 5 kinders (daar is nog sulke geseende mense) dan gaan ek nie onredelik wees nie, dit maak mos sin, en dan is ek helemal bereid om mense te akommodeer.. die probleem kom in wanneer mense 'n klomp grootmense op 1 staanplek probeer indruk om kostes te bespaar... dit werk nie, en daarom het ons strenger geraak!! Ian het dit baie mooi uiteengesit, dankie Ian "broer" ;-)  as daar enige iets is waarmee julle nie gelukkig is nie, kom praat asb met my en Wessel daaroor, ons wil na almal se raad luister en beoog om ons plek vir almal heerlik te maak om te kom kamp!! baie dankie vir almal wat ons tot dusver ondersteun het, julle is great!! Ek en Wessel waardeer julle baie, sonder julle sou ons dit nooit kon gedoen het nie!!

Groete

Lani

Hallo Len,

op die oomblik het ons nie planne om dit te omhein nie, miskien in die toekoms.... wat pla, praat eerlik jong?

groete

Lani

Phillip, dit is baie waar, en sal dit vir my en Wessel verskriklik wees as 'n kind by ons moet verdrink... ek sal dit beslis met Wessel bespreek...

Groete

Lani