Wildekus; Hoe veilig, paaie, kampplekke en is dit die moeite werd?

Wat wil julle weet...dis my voorstoep en my hart se punt.

 Voorspoed vir 2012 Skallie.

Ons het 'n week gelede teruggekeer van nog so 'n kort besoekie aan die Transkei.

Plekke wat die moeite werd is om te besoek suid van Mthatha is Coffee Bay, Hole in the Wall en Dwesa. Natuurlik is die rit na hierdie plekke toe 'n ervaring op sy eie.

Tot my verbasing is die pad na Coffee Bay nou oor geteer en/of goed gelap wat die trip met 'n uur verkort. Daar is baie kampplekke en verblyf en buite seisoen hoef jy nie te bespreek nie.

Daar is nie 'n pad teen die see nie wat beteken dat jy elke keer binneland toe moet ry en dan weer see toe. Die probleem sonder 'n GPS is al die muispaaie wat net so sleg soos die ander is. Ek moes nou weer my 4x4 laestrek gebruik om teen 'n verspoelde modderbult uit te kom en dit was op hulle "amptelike" aangewysde pad na Hole in the Wall. Dit het gereen.

Dit bring ons by die reenseisoen...somer. Die slaggate word al dieper en die spoelslote al erger en Febr. is lankal reentyd. As jy egter op die hoofroetes bly...Mthatha Coffee Bay en weer terug na Viedgeville en dan na Dutywa en vandaar weer Dwesa toe behoort jou bakkie dit te maak. Wees egter versigtig vir die grondpad Elliotdale oor deur die Colly Wobbles...dis 'n volle dagrit met baie muispaadjies. Moenie verdwaal nie !!

Onthou die paaie is vol beeste en bokke en reis na sononder is 'n defnitiewe no no. Vat maar 'n hele sak sweeeets saam en gee vir die kindertjies langs die pad...hul glimlagte sal jou altyd bybly. Oppas net dat hulle nie iets uit die bakkie gryp nie.

Jy kan ook Morgan Bay en Cintsa East besoek...laasgenoemde is 'n pragtige plek.

In die noorde...Pondoland...is Port st Johns en Mboity pragtig.

Die mense is oor die algemeen vriendelik en sal help met padaanwysings as hulle jou verstaan.

 Ons ry elke keer die Viedgeville pad...ken nie die een vanaf Mthatha nie. Oppas, dit kan dalk BAIE sleg wees.

Sekuriteit by Coffee Bay se kampplekke trust ek nie meer nie. Die veiligste kampplek is binne die Hole in the Wall hotel se gronde maar die ablusies is oud en dalk nie aanvaarbaar vir vrouens nie. Daar is privaat kampplekke teen die pad tussen Coffe Bay en Hole i t Wall. Moenie  5ster fasiliteite verwag nie.

Februarie behoort nie sommer storms op te lewer nie.

Sekuriteit is in hierdie wêreld seker maar altyd 'n probleem as daar vrouens by is. Ons ry/stap in daai wêreld nooit sonder 'n skokstok, pepergas en of vuurwapen nie. Ek praat jou nie bang nie maar die toeriste bedryf smoor deesdae probleme om nie toeriste af te skrik nie. M.d.g. dat mens nie meer alles hoor nie. Seisoentyd is daar baie toeriste en die plekke vol maar as jy alleen is....liewer bang jan as dooie jan. Miskien is ek net oor versigtig.

As 'n jong man aanbied om jou bakkie op te pas moet jy die aanbod aanvaar...niks sal dan wegraak nie. Kom net voor die tyd ooreen met die prys.

JJ hoe lyk dit by cremorne in Port st johns. Is die sekerheid daar ookmn probleem? Kan mens veilig soontoe gaan en af gaan strant toe?

Dankie Herman. Die vraag is gaan my vrou hulle redelik veilig wees as hulle alleen op die strand is?

Dankie vir die inligting. Dan glo ek ons sal daar gaan kamp des. Net laaste vraag kan ek met n gewoone 4x2 bakkie regkom daar

Hierdie is by "ship wreck" geneem,genoem omrede dele van n skip wat jare terug hier uitgespel het

Ship wreck

Mpande Rivier mond

Die duikers het ook elke oggend hulle vangste kom verkoop teen "baie" bilike pryse

Vars oester nou net uitgehaal !!

Het self ook n vissie probeer vang

Ons het die local shebeen ook darem ondersteun

Hierdie was ons gillies gewees(helpers) besig om aas voorteberei vir die volgende oggend se visvang

Hierdie was n onvergeetlike vakansie en ek beveel dit aan vir almal wat kans sien.Wat dit nog lekker maak is die naaste winkel is 1 uur se ry ver,so alles moet saam gevat word.As jy lus het vir brood moet daar maar gebak word

Groete

Dit lyk baie lekker ek glo ons gaan bespreek vir des. Ek gaan ook my duck saamvat om te gaan visvang op die rivier mee

Dit Klink Lekker het vandag my staanplek bespreek vir des. Is daar staanplekke met koelte? Is dit die mooite werd om die boot af te sleep soon toe. Die kamp oorstroom nie maklik nie?

Nico

Toe ek nog my boot gehad het, het ek dit baie geniet om op die rivier te vang. Jy kan dan ry tot by die mond en daar sit en vang op die boot. Soos die rivier egter nou vloei, kan mens glad nie daarop ry nie. Die staanplekke wat koelte het is nr 5, 4 soos ek kan onthou. Baie staanplekke het egter nie koelte nie. Laasjaar het die rivier sy walle oorstroom, maar groot dele van die kamp was nie onder water nie.

 Bosgees, bedoel jy dat die rivier nou te sterk vloei?  Bring die rivier baie drywende materiaal af as dit sterk vloei?

Kan mens 'n spesifieke staanplek bespreek, of is dit "vat wat daar is"?

Jan

Ons het nou in Januarie vir 2 weke by Gonubie gestaan. Die plek het nogal agteruitgegaan die laaste jare, maar hulle is besig met 'n opgradering. So, ons hoop dit gaan verbeter. Ons het Hanz se raad gevolg en een oggend vroeg die N2 gevat, by Viedgesville weggedraai Koffiebaai toe (die eerste stuk pad is baie mooi, nuut oorgeteer, maar dan is dit slaggate tot by Koffiebaai) en van Koffiebaai af, met 'n baie lelike grondpad langs die kus, Hole in the Wall toe. (hierdie pad is regtig baie sleg). Van Hole in the Wall af, is ons met die grondpad terug, tot waar dit weer by die teerpad aansluit, op pad Viedgesville toe. Vir iemand wat nog nie daar was nie, kan 'n mens nie regtig beskryf hoe mooi dit daar is nie, 'n mens moet dit self sien en beleef! Die lelike pad het ons die volgende dag al vergeet, maar die mooi sal vir altyd bly.

Groete

Anton