Die Eiland- en die Vanderkloof-woonwapark

Hi Teunsie,
Ek is baie bly om jou kommentaar oor die Eiland te hoor. Dit was jare terug een van ons gunsteling kampe maar het regtig baie agteruit gegaan. Dit sal goed wees as iemand die plek bietjie begin opknap. Die reel wat dagbesoekers daar uithou, sal baie help, solank dit toegepas word

Ons het toe vanoggend gou gaan loer hoe dit nou by die Eiland lyk.
Daar word blykbaar probeer om dinge te verbeter. So ver ons kon sien, is daar 'n ordentelike heining aan beide die rivier en die teenoorgestelde kant vd park aangebring. Die ablusie blokke was mooi skoon. Die kamp self was slordig met papiere bottels, stompies ens wat orals rondle.
Ons het geen blanke woonwa kampers gesien nie, maar wel 'n klompie VBs en 'n groot weermag tipe tent wat lyk soos 'n kontrakwerker kamp.
Die mense by die hek en kantoor was nugter en vriendelik.
Sal maar wag tot ons bevestiging van 'n betroubare bron kry, dat hulle toegangsbeheer wel werk.

Teunsie, verskoning dat ek nou eers jou berig lees. Daar is nou weer 'n nuwe verantwoordelike persoon nadat sy voorganger bevordering gekry het. Toe ek hom gister vir iets anders gesoek het was hy juis by die Eiland gewees. Ek is seker dat die probleem met die papiere waarvan Boffin praat aangespreek is - wel ek hoop so, maar sal more seker maak. Tans is daar 'n nuwe dryf vir toerisma in die Noordkaap. Die Wêreld Toerisma dag word hoeka vandag in Kimberley aangebied.

Dus, kom kuier wie is nou bang vir 'n bietjie warmte?

Dries,
Die ironie van jou vorige bydrae dring nou eers deur: "Die vorige opsigter het bevordering gekry"
Amper soos die Eskom Elite wat die organisasie in die grond in ploeg en dan reuse bonusse daarvoor ontvang.
Groete

Hans,
Ek wonder of ons van dieslfde Eiland praat? Ek weet die een in Limpopo is nou ATKV.
Dit sal wonderlik wees as die een by Upington ook oorgeneem word, maar ek twyfel.

Na aanleiding van die opmerkings oor die bevordering van die persoon wie voorheen verantwoordelik was vir die Eiland, net dit: Die persoon het talle ander korporatiewe verantwoordelikhede gehad waarvan die Eiland maar net een was. Voordat ons kommentaar oor die meriete van sy bevordering kan lewer benodig ons inligting oor die ander nege-en-negentig persent van sy korporatiewe verantwoordelikhede.

Nee wag, ons het ses ander goeie woonwaparke in en om Upington. Nog 'n ander een hoewel kleiner is Sakkie se Arkie, wat reg oorkant die Eiland is. Met ander woorde jy kan presies dieselfde Oranje rivier bedoelende dieselfde gedeelte van die rivier ervaar, feitlik in die dorp, trouens in die dorp.

Ek is 'n gereelde gebruiker van al die woonwaparke waarvan ek praat. Die afgelope twee naweke het ek by die nou bekende Oranje Rus gestaan. Ek kuier ook gereeld by Katakoeroe, Kathula Lodge en so kan ek aangaan.

Hierdie berig in die Volksblad is voorafgegaan met twee ander berigte oor dieselfde voorval een op 19/12/2009 en een op 22/12/2009, ook in die Volksblad. Ek het persoonlik met van die kampeerders op Die Eiland gaan praat voordat ek met die oordbestuurder gaan praat het. Daar is elemente in die berigte wat waar is. Maar nie een van die berigte is feitlik 100% korrek nie. Ongelukkig is daar ook negatiewe voorvalle wat nie in een van die berigte genoem word nie, wat ook tans aandag geniet.

Op die oomblik is daar ‘n probleem met die veiligheid van kampeerders se goedere by Die Eiland op Upington. Vir die afgelope paar weke is daar ‘n skerp toename in diefstal by Die Eiland. Die indringers sny gate in die omheining wat van lemmetjiesdraad gemaak is. Daar is selfs ‘n skootrekenaar uit ‘n tent uit gesteel.

Die nuwe bekwame oordbestuurder, mnr Charl April, het onmiddellik, binne die raamwerk van die huidige begroting, met korrektiewe stappe begin om ‘n herhaling van die voorvalle te voorkom. Eerstens is daar alreeds begin om ‘n palasade-heining op te sit. Tweedens is daar alreeds kwotasies ingewin om die sekuriteit uit te kontrakteer na privaatmaatskappye. Oor die res van die regrukstrategie wil ek nie nou al praat nie veral omdat sekere aspekte nog eers deur die Munisipaleraad goedgekeur moet word.

Dit spyt my om aan kampeerders te rapporteer dat die Die Eiland nou deur ‘n moeilike tyd gaan. Ek is oortuig dat meneer April Die Eiland gaan omskep in ‘n veilige oord waarskynlik op ‘n 3-ster standaard. Ek onderneem om ons forumiete op hoogte te hou van die vordering.

Regoor Die Eiland aan die anderkant van die rivier, letterlik in die dorp, is daar Sakkie se Arkie wat ‘n kleinerige oord is maar baie netjies en skoon. Om Upington is daar nog ses ander oorde om van te kies, waarvan twee 4-ster oorde is.

Ek kan nou rapporteer dat vier sekuriteitswagte van ‘n privaat sekuriteistsmaatskappy vanaf vanaand (23/12/2009) tot en met 11/01/2010 bykomend tot die bestaande munisipale sekuriteit Die Eiland vir 24 uur per dag sal patrolleer. Meneer Charl April, die bestuurder, is tans besig met nog ander bykomende maatreëls.

Ons het laatmiddag Sondag 27 Des by Die Eiland arriveer vir twee nagte waarna ons vroegoggend op Dinsdag 29 Des vertrek het. Met die uitsondering van twee asblikke wat omgedop gele het (vandat ons daar gekom het tot en met ons vertrek) was die kamp skoon. Die ablusie was skoon en netjies maar daar is hier en daar opknappingswerk nodig. Ons het geen las van dagbesoekers gehad nie, daar was nooit een in sig nie.

Die Upington omgewing se mense is hartlik en vriendelik.

Dries

Ek waardeer jou openhartige en eerlike bydrae. Dit gebeur soms dat iemand as gevolg van persoonlikheids verskille ongelukig raak met die bestuur van 'n betrokke kamp, en dan die kamp [regtelik of verkeerdelik] "beswader" op die forum.

As ons nie die ander kant van die storie hoor sal ons nooit weet wat die ware toedrag is by die betrokke kamp nie.

Ek glo hoe meer ons kan hoor van verskillende partye uit verskillend oogpunte - hoe meer ingeligte besluit sal ons kan maak oor waar om te bly.

Persoonlik al 'n paar keer by die eiland oorgestaan op pad Namibia toe [of op pad terug] en nog nooit probleme gehad nie, selfs oor Kersfees en/of Nuwejaar.

Mens moet natuurlik noodwendig toegewings maak oor ou/nuwejaar vir die jong klomp en ook die oueres wat nog jonk van gees is - kom ons gun hulle maar bietjie uithak op so jolige tyd?!

Doen so voort!

Arie 

Passeerde vakansie Upington om gery weskus toe. Het een aand oorgestaan by Die Eiland. - Die goedkoopste staning vir ons hele toer, R50-00 vir my en my vroulief saam vir die nag! Die kamp was redelik goed versorg, MAAR: Teen daardie lae tariewe, kom die locals in as dagbesoekers, en kom daar geraas maak! En kan hulle nie raas nie, so op 'n Maandag-aand. En dan gebruik hulle sommer die ablusie-geriewe van die kampeerders.

Ek verstaan dat die Eiland heel verval het paar jaar gelede, maar dat dit nou heelwat beter is. Ek kon die oord nie regtig kritiseer ten opsigte van skoon ablusies of swak staanplekke nie. Dit was op heeltemaal aanvaarbare standaard. My gevoel is dat hulle nou op 'n mespunt is, en moet besluit wie is die belangrikste: die locals wat kom raas, of mense van vêr wat potensieel 'n vakansie daar kan kom hou!! 

Het gedurende die Kuierfees by die Eiland gekamp (22 Sept tot 26 Sept 2010). Was baie skepties om daar te kamp na al die terugvoerings. My ondervinding is: die sekuriteit was op standaard met die nuut voltooide lemmetjiesdraad omheining. Die ablusieblok was aanvaarbaar, kan sien daar was opgradering, 1 stort was wel verstop, daar was 'n probleem met temin toiletpapier en warmwater wat opgelos was nadat ek gaan kla het. Die probleem het ontstaan omrede die uitstallers by die fees kon ook teen 'n betaling die ablusieblokke gebruik het wat die lading toe te groot gemaak het. Die probleem behoort nie daar te wees in normale tye nie. Die oordbestuur moet net daarteen waak in die toekoms.

Ek is van mening dat ons nou weer daar kan kamp maar moet altyd probleme onder die bestuur se aandag bring. Die toegangsbeheer by die ingangshek kan verbeter. Dagbesoekers word wel nie meer toegelaat nie, maar die probleem ontstaan by die hope besoekers wat kom kuier by ingeboekte gaste. Gelukkig hou die meeste inwoners van daardie area nie van kampeer nie en boek by die huisies in waar die toeloop dan plaasvind, so dit het ons nie baie gepla in die kampeer area en ek glo dit gebeur meestal net oor naweke.

Die polisie en sekuriteit was die hele langnaweek baie sigbaar en het gereeld die kamp besoek.

Stoffel ek hoop iemand kan vars nuus gee, het ongelukkig nie weer daar gekamp nie maar as die huidige omstandighede soos 'n jaar gelede nogsteeds is sal ek weer daar kamp. Weet nie of die nuwe oordbestuurder nog daar is nie en of hulle alweer verander het nie. Die oordbestuurder wat 'n jaar gelede daar was het my nogal beindruk.

Moontlik kan jy net seker maak of dagbesoekers nogsteeds nie toegelaat word nie soos 'n jaar gelede want dit was die probleem.