Koro Koro

Miskien moet julle 'n nuwe draad oopmaak waarin die voor en nadele en wat ook al van hoë en laë sulfied inhoud van diesel bespreek word.
My vraag was: Wat is die adresse van depots wat diesel teen laer pryse verkoop.
Groete

Johan, die klomp kletsers hier op die WegSleep Forum het 'n WegSleep naweek gereël vir die naweek van die 6-8 Maart hierdie jaar. Hoekom kom kamp julle nie ook sommer saam met ons klomp nie. Ek weet die kamp is ampertjies vol bespreek maar ek is seker daar sal vir julle nog 'n gaatjie oop wees. Dit gaan 'n saamtrek van saamtrekke wees. Toe maak 'n plan dan
kom julle ook saam.
Groetnis
Michelle

Iemand het gevra dat ek hieridie inligting (wat ek op 'n ander draad verskaf het) ook hier plaas. So hier is dit:

Koro-Koro, wat ‘n lifelike, lieflike oord! Ons was die naweek van 27-30 Maart daar 2008 daar. Ons van vier gesinne wat saam gaan kamp het. Ons sal dit beslis weer in die nabye toekoms besoek. Hier is die plus punte:

DIE OORD:
- Lekker naby Pretoria.
- Lieflik stil.
- Nie oorvol nie.
- Grondpaaie op die oord asook tussen die karavaan staanplekke word goed onderhou.
- Nie baie stof nie.
- Alles is binne loopafstand van mekaar af (Die chalets. karavaanpark, winkel, kroeg,
restaurant, hoof lodge ensv)

DIE LODGE
- Dis ’n gesellige grasdak resturant/kroeg.
- TV skerm met meeste van die kanale – kan lekker daar rugby kyk.
- Groot groen grasperk met ’n reuse Amarula boom in die middle.
- Mooi skoon swembad met houtdek vir sonnige ontspanning (koue water)
- Kinders kan swem, terwyl pa en ma rugby kyk.
- Daar is ook ’n resturantjie wat kos bedien, ons het nie tydens ons kuiertjie van die
restaurant gebruik gemaak nie, so ek kan nie daarop komentaar lewer nie.

DIE KONFERENSIE SAAL
- Daar is ook ’n konferensie/funksie saal langs die lodge. Daar kan mense of ’n gesellig
partyjie of bosberaad hou.

BOMA
- Daar is ook ’n boma waar ’n mens ‘n lekker groot vuur kan maak en gesellig om die vuur
kan kuier.

DIE CHALETS (BOSKAMP)
- Daar is verskillende boskampe. Elk bestaan uit 3-4 afsonderlikke chaletjies, elke met sys eie
badkamer.
- Elke boskamp het sy eie gemeentskaplike kombuis met yskas, microgolf, kettel, toaster,
stoof ensv.
- Lekker braai plek buitekant.
- Dis ideaal vir ’n paar gesinne wat saam kuier vir die naweek of vir ’n konferensie groep.
- Ongelukkig was die kamers en die kombuisies gesluit so ek kan nie eintlik kommentaar
lewer daaroor nie.

WINKEL
- Daar is ’n klein winkeltjie op die oord wat alles aanhou wat jy moontlik vir die naweek mag
nodig kry, van lekkergoed vir die kinders tot knertsies en ys vir pa.

DIE STAANPLEKKE
- Al die staanplekke is op mooi groen gras.
- Genoeg koeltebome.
- Daar is ’n lig by elke staanplek.
- Netjiese, veilige, werkende krag bokse by elke staanplek.
- Elke staanplek het ’n mooi praktiese braaiplek met ’n netjies grid.
- Staanplekke is lieflik groot en nie op mekaar nie.
- Daar is nie ’n asblik by elke staanplek nie. Hulle verkies jy hou jou vulus in ’n sakkie wat dan
daagliks opgetel word en in asblikke by die opwas area weggegooi word. Dit help vermy dat
elke staanplek met bye oorval word.
- Vullis word daagliks verwyder.
- Braai area word elke oggend skoongemaak.

SPEELPARK EN SWEMBAD
- Speelpark met klouterraam vir kinders, in puik toestand.
- Lieflike, skoon, groot swembad in die middel van die karavaan park (koue water)

DIE ABLUSIE
- Die ablusie is puik.
- Daar is genoeg ablusie vir die aantal staanplekke.
- Daar is nie afsonderlike mans en vroue ablusie nie.
- Die ablusie bestaan uit ’n hele aantal badkamertjies.
- Elke badkammertjie het sy eie wasbak met prop, spieël, krag prop, genoeg hakkies teen die
muur vir hang van klere en ’n groot stort.
- Elke badkamertjie het ook sy eie afsonderlike toilet, ook met ’n klein wasbakkie.
- Daar is ook ’n badkamer met vir gestremdes.
- Daar is ook ’n badkamer met ’n bad, vir mammas of pappas met babatjies of klein
kindertjies.
- Ablusie is baie netjies, goed instandgehou, alles werk, niks is stukkend nie.
- Genoeg warm water (gas) en spoel toilette.
- Ablusie word gereeld skoon gemaak.
- Daar is nie toilet papier in die toilette nie, maar elke staanplek ontvang ’n rol toilet papier
met aankoms.

OPVAS AREA
- Daar is ook ’n opvas area vir skottelgoed was.
- Dit bied ook warm water en elke basbak het sy eie prop.

WILD
- Jy kan of met jou eie voertuig of saam met hulle gids ‘n wildrit deur die reservaat geniet.
- Daar is nie groot 5 nie, maar genoeg bokke, vlakvarker ensv op dit ‘n opwindended rit te
maak.
- Jy mag ook op jou eie deur die reservaat stap en dis veilig.

QUADS
- Daar is ook ’n quadbaan naby. Daar kan jy met jou quad gaan baljaar sonder om die mense
by die lodge, chalets of karavaanpark te steur. Die naweek wat ons daar was, was daar ’n
familie met ’n stuk of 5 quad motorfietse en ons kon hulle glad nie hoor nie.
- Mens mag glad nie die quads in die karavaanpark aanskakel nie. Jy moet die quads maar op
die trailer laai en tot by die baan ry. Die bestuur is baie streng hieroor.

ALGEMEEN
- Dit was ’n verligting om te sien dat die reëls van die oord nagekom word en indien iemand
oortree het, die bestuur dadelik aksie geneem het.

BESTUUR
- Die oord is tans in die prosess om nuwe eienaars en bestuur te ontvang (Cois en Adel).
- Cois en Adel het reeds eienaarskap en bestuur van die Lodge en Chalets oorgeneem en sal
binnekort ook eienaarskap en bestuur van die karavaanpark oorneem. Dit is 'n groot
verligting want the huidige eienaarskap en bestuur van die karavaanpark laat veel te wense.
Sal hulle maar die verleentheid spaar en nie daarop uitbrei nie.
- Cois en Adel is lieflike mense en doen hul bes om mense welkom te laat voel.
- Gaan maak gerus by hulle op Koro-Koro 'n draai, julle sal nie spyt wees nie.

Michelle,

Dankie vir die. Ek is net jammer ek is nie al lankal op die forum nie. Hier is so baie inligting ek weet nie waar om tew begin lees nie!

Ek wou al lankal na Koro Koro toe gaan en met al jou detail beskrywings plus foto's, lyk dit na 'n heerlike plek.

Groetnis
Gerrit

ons het die naweek by hierdie oord gekamp.wat n pragtige oord.die eienaars is baie vriendelik en ons het sommer dadelik tuis gevoel.die kampplek was pragtig skoon en die ablusies uit die boonste rakke.kan die oord aan beveel.

Buks.

 Jip, die plek sien my ook beslis weer.

Beslis n baie mooi oordsn sal weer daar gaan kamp.

Hi Michelle, is dit waar dat jy Koro-Koro se webwerf vir hul doen?

Ek was persoonlik baie teleurgesteld met die ablusie-geriewe by Koro-Koro. Hulle adverteer dit as "familie badkamers" maar ek is nie seker of hulle die term reg verstaan nie.

Die sentrale blok-idee is nie inherent sleg nie. Daar is egter nie toegangsvoetpaaie van die buite-sirkel nie en of jy loop om die blok, of jy loop deur jou buurman se "erf" om die geriewe te gebruik. Die ernstigste probleem wat ons ondervind het, was die feit dat die gedeelde toiletgeriewe se deure nie na behore sluit nie: ek het byvoorbeeld ingestap op 'n dame wat binne was - absolute ontstelstenis van albei! Dieselfde het met my dogter gebeur terwyl sy die gerief gebruik het - in haar geval was sy gelukkig: 'n dame het haar deur oopgemaak.

Verder is die plek baie donker - daar is min ligte in die storte. Gepraat van die storte: na my mening is dié storte 'n resep vir peste en ellendes omdat daar geen muurteëls is nie. Die vloere is ook net gladgemaakte pleister.

Ek kan werklik nie sien waarom 'n vierstergradering aan hulle toegeken is nie.

Die res van die oord is baie mooi, maar hier en daar gaan 'n mens agv boomplasing sukkel om jou wa in of uit te kry as die ouens weerskante van jou hulself staangemaak het.

Ek sal weer daarheen gaan - sodra daar iets daadwerklik aan die ablusiegeriewe gedoen is...

Woonwa-groete

Jippie - wat verstaan jy nie? Die lang-en-die-kort van my verhandeling is bloot dat ek teleurgesteld is met die plek se ablusiegeriewe wat, na my mening, onafgerond en onvoldoende is. Klein dingetjies, soos om net seker te maak dat die slotte aan die toiletdeure behoorlik werk, word nie gedoen nie. As jy al daar was, sal jy ook weet dat my klagte omtrent die afwesigheid van vloer- en muurteëls geregverdig is - na my mening hou dit 'n gesondheidsgevaar in ...

Woonwagroete

 Ek het in die laaste 2 jaar al heelwat meer as 20 keer by Koro-Koro gekamp.  Nog nie een keer het ek 'n slot gekry wat nie werk nie of 'n vuil badkamer gekry nie.

Wat die storte betref stem ek saam met cheetah, dis persoonlike smaak en 'n tipe boustyl wat perfek by hul tema inpas.  Grasdak met growwe bakstene "gel" nie met teels nie!  Dis 'n bosveldkamp, nie 'n hotel nie!  Ongelukkig is daar baie kalk in die water wat 'n wit neerslag vorm op die bakstene, maar kalk hou gelukkig nie 'n gesondheidsrisiko in nie.  Die sementvloer is net so uniek en pas mooi in by die res van die gebou.

Die beligting is voldoende.  By elke wasbak is daar 'n lig wat meer as genoeg is, en die oorhoofse beligting skep genoeg lig vir in die storte.  Daar is ook oorgenoeg badkamers/storte en 2 familie badkamers.

Toegangspaaie???  Aan die een kant van die ablusieblok is daar nie eens karavaanstaanplekke nie, en aan die ander kant is daar 2 toegangspaaie (en dit gaan deur niemand se "erf" nie) met paadjies reg rondom die blok.   So ek weet nie watse probleem hiermee gesien word nie!?

Na my mening verdien Koro-Koro eintlik 5 sterre en nie net 4  nie!!

Hallo Jippie,

Ons webwerf word deur MultiPlatform Networking behartig. 

Groete

Corrie

Julle maak my baie nuuskirig met die "snaakse" storie van Nico Pieterse - sal graag mer wil hoor daarvan?