Edenpark | Ek in my klein hoekie

Glo my Jan, julle sal nerens wil gaan as julle eers daar is nie. Dis 'n stukkie hemel op aarde.

Wat ons, en dis ook net ons twee, aan betref is daar geen beter plek in die hele ou RSA nie! Sowat van rustigheid en gerief in die allermooiste natuur het jy nog nie beleef nie.

Daar is nie veel in die omgewing te doen en sien nie, alhoewel 'n besoek aan die Oog en "Lansipat" padstal op pad daarheen beslis die moeite werd is. Maar moenie bekommer nie, die personeel daar gaan uit hul pad om jou verblyf so lekker as moontlik te maak en sal beslis 'n paar aanbevelings kan maak indien julle dalk per ongeluk verveeld sou raak.

Geniet dit daar en dra ons groete oor aan die personeel.

Groetnis

Martin en Anette

Martin en Anette

Dankie vir julle terugvoer, ons gaan juis Edenpark toe omdat ons wil rus!  Desembermaand pak ons die besige Badplaas aan, maar dan is dit ons jaarliks wegbreek saam met ons kinders.

Christa

Flip,

Ja ek dink dit gaan lekket wees, ons is kko daar Des. 2010.

Ek wil en gaan nog daai een besoek - gee net kans!

Almal praat   met lof daarvan en ek sien uit om die plek te besoek.

 Edenpark is wel 'n puik oord en alles wat hierbo gesê is, is waar.

Julle moet vooraf net 100% seker maak van die tariewe - hulle struktuur maak voorsiening vir 4 persone. Dis egter net hier waar die probleem inkom: dié 4 persone MOET uit 'n pa, ma en 2 skoolgaande kinders bestaan. Indien nie, betaal jy ekstra - glo omdat die addisionele persone selfversorgend is. Met ander woorde: my afgetrede ouers wat by my woon (en definitief NIE selfversorgend is NIE) kos my ekstra! Ek "borg" dus die ouens met kinders... Ek dink persoonlik dis verregaande dat hierdie oordeienaar vir my voorskryf hoe my gesinstruktuur moet lyk. Om hierdie rede sal Edenpark my nie weer sien alvorens hulle nie hier onsinnigheid hersien het nie.

Hoewel dit sekerlik die oordeienaar se goeie reg is om sy tariewe te struktureer soos hy wil, moet hy nie een ding ADVERTEER en waanneer jy daar opdaag met 'n ander storie vorendag kom nie! 

As ek enigsins 'n leemte in die huidige stergraderingstelsel kan uitwys, is dit juis dit - daar is geen algemene struktuur waarvolgens 'n kampeerder vooruit beplanning kan doen nie. My voorstel is dat 'n pppd-tarief gehef word. Die oordeienaar kan dan verder besluit of hy 'n verlaagde tarief vir skoolgaande kinders wil hef, aldan nie en kan ook verder die maksimum aantal mense, voertuie en kampstrukture (tente, ens.) per staanplek beperk.

Ek sal graag wil hoor wat die algemene gevoel hieromtrent is. As jy nie hier op die forum die saak wil aanroer nie, is jy welkom om 'n epos of pm vir my te stuur.

Kampgroete

Ag nee wat, kloof julle nie nou hare nie? Daar is baie plekke wat onderskei tussen volwassenes en kinders.

Die pryse op die webblad is ook duidelik daarme.

Groete

Hans.

Dagse^ almal - ek is nuut op die forum, maar nie nuut met Edenpark nie - ons was nou vir die tweede maal daar, en dis ongelooflik. Ons het nou 'n staanplek onttdek wat ek eerder geheim wil hou anders kry ons hom dalk nie weer nie

Ek het 'n versoek asb - van julle sal seker nou al vir Koos en Madeleine leer ken het, wat die oord namens die eienaar bestuur.

Dit wil voorkom asof die eienaar nie lekker besef hoe waardevol Koos en sy vrou vir die plek is nie - ek het die eerste maal wat ons daar was vir Koos sien ronddraf die hele dag lank, elke dag, om seker te maak die grasperke, swembad ens ens is eksie perfeksie. Ons het alles wat ons voor gevra het en meer gekry, en boonop op die heel vriendelikste wyse denkbaar.

Koos is nou van 1 Januarie af aangese^ om net in die kantoor te sit, en sy vrou moet help met die boerdery op die plaas. Die oord maak blybaar nie genoeg geld nie - resessie is blykbaar nie die hoofrede nie

Doen Koos en Madeleine asb 'n guns en laat weet hoe hulle julle behandel het.

Ek sal dan vir Koos hierdie terugvoer aanstuur, al is dit ook net vir hom 'n riem onder die hart.

Pieter - baie dankie vir jou regstellings en jou positiewe bydrae.

Komaan mense - ek soek nog kommentaar asb sodat ons vir Koos en Melanie kan ondersteun asb.

Ek dink Edenpark sal anders voel sonder hulle twee aan die roer van sake.

Arthur,

Ek dink regtig nie daar is enige iets om oor bekommerd tewees nie. Hennie weet wat hy doen anders sou Edenpark nie so groot sukses gewees het nie en Koos is n man met ondervinding!

Ek glo ook nie dat dit oor finansies gaan nie, nee daarvoor is daardie plek heeltemal te netjies!

Ek stem saam met jou Mr. Venter dit is n juweel (En hulle laat hondjies toe)

NO dog/s is allowed, except when the owner has previous arrangement with management, (ONLY acceptable out of season).

http://www.edenpark.co.za/18.Resort_Rules.html

Nee genade, ek dink nie die eienaar (Hennie) besef wat hy in Koos en Melanie het nie (ons het Hennie nie self ontmoet nie).  Koos is 'n mens-mens en sal soos 'n plant sonder water verdroog of doodgaan in die kantoor!  Persoonlik dink ek dat Edenpark se sukses aan die bestuur gemeet kan word.  Koos en Melanie doen moeite om elke persoon op die naam te leer ken en seker te maak dat daar aan al jou behoeftes voorsien word.

Wens ons het nader gewoon sodat ons meer dikwels die oord kon besoek.  Het net in die week vir iemand gese ek dink ons moet weer daarheen gaan, ek het rus nodig!

Sterkte aan Koos en Melanie, hulle is pragtige mense.

Jan en Christa

 Besoek Eden vir die eerste keer hierdie maand vir In Die Bosveld fees.

Middag Claas,

Ons tariewe stippel mos uit dat ons tariewe vir 'n gesin van 4 is, dit sluit in pa, ma 2 skoolgaande/en of studente. Wat verstaan jy nou nie oor ons tariewe nie, dit is mos duidelik uiteengesit op ons tariewe. Indien daar 'n ekstra kind by is moet R40 per nag betaal word. Ek verstaan dat jy jou ouers sien as deel van jou gesin, want jy versorg hulle. As jy 'n nou as voorbeeld 'n mediese plan het betaal jy mos net vir jou vrou en kinders, nie vir jou pa en ma ook nie.

Ons probeer met hierdie tariefbepaling om 'n plakkery op die staanplekke te beperk. Ander oorde druk mense in al beskik hulle nie oor die regte hoeveelheid geriewe nie. Ons doen dit nie, en dit is hoekom baie mense wat al hier by ons gekamp het dit baie geniet het.

Indien jy nog enige verdere vrae of onduidelikhede het voel asb vry om ons te skakel  by 014 - 743 3533.

Dankie vir jou "input" dit word waardeer.

Groete

Marietjie

Hallo Arthur,

Arthur ek is baie bly om te hoor dat jy baie van Koos en Melanie hou en dat jy 'n baie goeie tyd gehad het met hulle hier aan diens.

Daar het ongelukkig iets gebeur waaroor ek nie nou wil uitwei nie want dit het niks met enigiemand uit te waai nie. Koos werk nogsteeds buite, want ek help hom hier uit in die kantoor. Ons besef en weet wat Koos se waarde hier by ons is, hy laat almal baie spesiaal voel en niks is vir hom te veel moeite nie. Melanie wil graag met die boerdery betrokke wees dit is hoekom sy nie in die kantoor is nie. 

Die oord bring vir ons baie geld in maar wat die mense soos jy en ander nie besef nie, is dat alles wat inkom net so weer teruggaan na die oord in om alles netjies te hou. Ons het nie nodig om van die oord te leef nie.

Baie dankie vir jou mooi terugvoer oor Koos-hulle ons waardeer dit baie.

Vriendelike groete

Marietjie