Die Oog

 Ek weet dit is seker die hoogste vorm van ongeskiktgeit om in jou eerste pos negatiewe kommentaar te lewer oor n oord, maar ek gaan dit maar doen. Ek vra maar byvoorbaat om verskoning. Ek sal darem eers myself voorstel.

Die naam is Martin en ek sleep n Echo Kavango met n diesel Pathfinder. Baie lief vir kamp en het maar onlangs eers van tent na karavaan oorgeslaan. Ek het al menigte van die Top100 oorde in die land besoek, so het n redelikke idee van wat aanvaarbaar is en nie.  Ek het in die laaste 3 maande karavaan opgeslaan by Koelbaai, Buffelsbaai, Stormsriviermond, Van Stadens riviermond, Gariep, Sondela en laastens Die Oog.

Ek het gister terug gekom van Die Oog af nadat ons n week daar gespandeer het. Ek was laas daar in 1996 en het dit baie geniet. Ongelukkig kan ek nie dieselfde nou se nie. Ons het karavaan staanplek 46 gekry. Dit moet seker die kleinste en ongelykste staanplek in die park wees, veral as jou buurman sy tent op jou staanplek opslaan. Dit het met ons gebeur. Toe ons daar aankom, kyk ek nie mooi na die afbakening nie (wat in elkgeval nie baie goed is nie) en vra vir buurman toe waar die vorige persoon opgeslaan het. Hy verduidelik toe en praat van die son en reen en wat hy dink die beste is. Toe was sy tent deur nog oop na my staanplek toe waar hy en vroulief die een sigaret na die ander suig en die stompies in die braai gooi. Teen 14:30 le daar seker al 50 stompies in die skoongemaakte braai, wat elke dag skoongemaak word. Wel, dit was die laaste sien van hulle. n Uur later toe maak hulle hulle deur aan die anderkant. Ek kom toe agter die braai waar hy sy stompies ingooi, behoort aan my staanplek, maar dit is n meter van sy tent deur af. Nadat hy 4 dae later oppak, kom ons ook eers agter hy staan op my staanplek en dis hoekom my staanplek so klein lyk. Nie dat dit rerig veel saakmaak op staanplek 46 nie. Buurman aan die ander kant sien toe hoe ek sukkel om plek te kry, en hy offer seker n 2 meter strook van sy staanplek aan my. Weereeens dankie Johnny, dit was wardeer.

n Ding wat ek oor wonder by Die Oog is hoekom hulle vra dat mense om 10:00 uit is en die volgende intrekkers eers 14:00 kan inkom? Ander oorde wat ons al by was sal in daardie 4 ure die grassnyers en rantsnyers inspan en die staanplekke mooi skoon en netjies maak. Nie hier nie. In die tyd wat ons daar was is nie een staanplek netjies gemaak tusen bewoners se vertrek en aankoms nie. Waar daar staanplekke met gras was, moes die nuwe mense in die lang gras opslaan. Gras staanplekke is maar skaars, behalwe vir stand 66(of 99). Die staanplek moet seker die mooiste staanplek wees wat ek nog in n karavaanpark gesien het. Ek skat hom so 400 vierkant meter met genoeg koeltebome en alles met gras bedek. Die feit dat my 20 vierkante meter staanplek aan hom grens maak n mens nogals suur. Veral as jy vat dat elke staanplek net een karavaan of tent mag ophe. Nie dat enige iemand hulle daaraan steur nie. 

Gepraat van reels, hier is my volgende grief oor Die Oog. Daar is reels, maar niemand steur hulle daaraan nie. Die oord doen ook niks aan die breek van reels nie. Inteendeel, hulle en hulle gesante breek dit net so lekker. Hier is n paar voorbeelde:

1.      Daar word van alle besoekers verwag om in al hul optrede, die belange van hulle mede-inwoners in gedagte te hou en te probeer om geen steurnis te veroorsaak nie. Kan nie rerig hieroor kla nie. Mense was jolig, maar ek was nie eenkeer gepla deur swak gedrag nie.

2.      Die spoedbeperperking van 15 km per uur moet gehandhaaf word. Ek dink nie enige iemand wat daar tuis was weet hoe vinnig 15km/h is nie, of weet nie hoe om n speedo te lees nie. Omdat omtrent almal verby ons staanplek moes ry om by hulle s'n te kom, kon ek sien die meeste mense ry sowat 40km/h. Een persoon het daar verby gekom teen 15km/h, maar daar was so n opeenhoping agter hom en die mense het toe begin toeter blaas. Die oord doen niks aan die reel nie. 

6.      Geen troeteldiere word toegelaat nie. My grootste probleem. Ek het op een dag 8 honde net in die karavaanpark getel. Die honde word ook openlik swembad toe gevat sonder dat oordbestur iets daaraan doen.

9.      Geen drank en/of koeldrank word in die swembaddens of by die borrelbaddens  toegelaat nie.Die reel word ook openlik gebreek met geen aksie nie.

14.    Geen skade mag aan enige bome/plante aangerig word nie.  Geen hout mag versamel word nie. Oord vermaak hou een oggend stokbrood braai. Hulle voorsien alles behalwe stokke. Raai waar kom die stokke toe vandaan? Bome word links en regs gebreek om stokke te kry, met oord se goedkeuring.

15.    Rommelstrooi is verbode. Ja right. Rommel word gestrooi, want om die swembaddens is daar nie genoeg asblikke nie. Die wat daar is, is vol gate. Dit wat gemors word, word nie gereeld (daagliks) skoongemaak nie.

16.    Kru taal en afstootlike gedrag is onaanvaarbaar. Nie veel wat die oord kan doen nie. Daar is maar n paar kommin elemente in enige samelewing.

Toe ons die eerste keer die swembad area besoek, was die gras lank. Onder die rusbankies was die gras al seker 40cm lank. Dit het so gebly vir die week wat ons daar was. Nie eenkeer het n span ingekom en die gras kom sny nie. Plekke soos Klein Kariba het elke oggend n spam wat gras en rante sny, of dit nodig is of nie. Ek het in n week se tyd nie eenkeer n grassnyer of rantsnyer gesien of gehoor nie. 

Die warm swembad self was ook nie die skoonste nie. Daar het altyd sulke goed soos alge in die water gedryf. Ek is seker dit was nie gras of plantaardig nie. Ek is ook seker dat as daar waterhondjies in die water rondswem, dan is daar nie genoeg chloor in die water vir n publike swembad nie. Ons eerste dag daar, en die warm en koue swembad temperatuur is dieselfde.  Waierband van pomp glo gebreek. 24uur later en dit werk n rukkie. Toe breek die hoof boorgat pomp en alle water funksies word gestaak. Gee jacuzzi, waterglybaan of warm water nie. Hoef seker nie te se dat sekere mense ook nie huishoudelikke water het nie. Ons boswoonwa se 80L tenk was gelukkig vol, so dit het ons nie beinvloed nie. Ek dink in die 7 dae wat ons daar was, het daar net in een dag warm water in die warm water swembad ingeloop. 

Die vermaak by die swembad was ook nie so waffers nie. Die hoof aanbieder was maar redelik amateuragtig, het n redelikke humeur met besoekers gehad en moet ook maar liewer nie self sing nie. As jy die vermaak by plekke sook Klein Kariba al ondervind het, sal jy weet waarvan ek praat. Maar ja, dit mag dal net persoonlikke smaak wees. Jammies Jamnek word een aand bespreek vir vermaak. Dit gaan gepaard met n braai waar jy net jou eie dop en tjop vat. Ongelukke is daar nie genoeg tafels en stoele nie. Die vure is 2 uur laat, daar is net 2 grawe om kole aan te dra vir 50 braaiers, oord vergeet om krag te voorsien aangsien dit alles in die aand geskied en toe faal die bietjie krag wat hulle het ook nog. 

Die Oog was jare terug rerig n uitmuntende oord. Nou word jy begroet met die bordjie wat ook lees "Aftree-oord". Ek het al begin wonder of oordbestuur nie aspris niks doen nie met die hoop om die laaste paar kampers weg te jaag sodat alle spasie vir die aftree gedeelte gebruik kan word? Daar mag meer geld in dit wees. Die luukse karavaanpark word glo tot niet gemaak vir nog aftree huisies. Die gewone karavaanpark is miskien volgende in die slag. Hulle het nou wel luukse staanplekke gemaak, die met eie toilet, stort en kombuis. Goeie idee, maar hoekom 2de handse wasbakke en toilette daar insit? Ek het dit nou wel nie self gesien nie, maar my buurman oorkant die straat by #2 het my vertel. Dan is daar ook die permanente stank wat vanaf die boiler yard af kom. Nie die steenkool stank nie, maar riool. Dieselfde aan die onderpunt van die karavaanpark waar die ou boskamp was. Ek het die mense daar baie jammer gekry om in die stank te kamp. 

Een van die mooiste dele van die Oog moet die lukkse tentkamp wees. Weet nie hoe lyk dit binne in die tente nie, maar bleddie mooi van buite. Ongelukkig doen dit nou niks vir ons skilpaaie wat eie dop samvat nie.

Dit klink seker of ek n lekker klakous is. Ek dink nie so nie. As ek Sondela of Klein Kariba pryse betaal vir n staanplek, dan verwag ek darem iets in daardie klas. Anders verlaag die prys en ek weet waarvoor ek myself inlaat. Oor Desember is seker enige oord se besigste tyd. Hulle weet dit maar het nie planne indien iets breek nie. 12-24 uur om n pomp of waaierband te vervang is nie aan nie. Ek persoonlik sal Die Oog nie aanbeveel of weer besoek nie. Nie teen die prys wat hulle vra nie.