Monateng Safari & Woonwa Lodge

Michelle,

Baie dankie vir jou advies. Ongelukkig is die mense saam met wie ons gaan, nie 4x4 ingerig nie (ek het wel 'n Pajero en bossleepwa), dus is ons keuses vir kampplek (veral teen die kus op) baie beperk. Ek sal egter jou aanbeveling in gedagte hou en een dag daar gaan kyk. Ek wil volgende keer slegs met 4x4's gaan om die beperkinge te minimaliseer.

Groete

Mense julle moet onthou julle vaar nou in Afrika in, skoon of werkende ablusie is nie iets wat jy sommer gaan teekom nie. Ons self maak nie van die ablusie langs die pad gebruik nie.
Piepie maar eerder agter 'n bossie.

Ons neem ook 95% van ons voorraad saam. Ons koop bitter min in Moz self, behalwe die seekos, dis goedkoop en vollop.

Ons vermy ook enige van die oorde naby die dorpe, hulle is vuil, verwaarloos en onveilig. Dis die dat ons keer op keer terugkeer Island Rock toe. Nie eens Guinjata, Pandane of Villanculos kom naby Island Rock nie

Wat die vriendlikheid van die mense betref, ons het gevind dat die Poliesie slegs intimideerend voorkom as jy self nie seker is van jou regte nie. Hou by die reëls en wette van die land/pad. As jy wel voorgekeur word moet jy seker wees jy het nie 'n wet of iets oortree nie. As jy dan jou man staan en jou regte ken besef die intimideerende poliesie gou gou dat hulle nie met jou kan mors nie. Moet jou nie oorgee aan "bribes" nie.

Onthou jy betree nou hulle land, respekteer hulle as mens, wees vriendelik en besoek Moz met die regte gemoedstoestand en "attitude". Jy sal verbaas wees hoe vriendelik die mense eintlik is.

Dis middel en noorde van Moz is 'n puik plek om te gaan vakansie hou, veral kamp. Ponto de Or is maar vir ons soos 'n tweede Durban, oorvol, "way to commercialized" en dis ook glad nie so veilig daar nie.

Moz sal ons beslis weer en weer sien.

Groetnis
Michelle

Goeie More Egbert

Ons was nou vir 5 jaar in 'n ry Mosambiek toe en het elke minuut van ons vakansies daar geniet. Ons het net goeie behandeling en vriendelikheid gekry van die mense. Was drie keer afgetrek vir spoed en het R350.00 per spoedkaartjie betaal waarvoor ek 'n amptelike kwitansie ontvang het. Ons hoor net van "bribes" maar dit nog nie ondervind nie.

Van die eerste oord kan ek jou niks sê nie want ons was nog nie daar gewees nie.

Zavora was ons eerste besoek aan Mosambiek in Julie 2005 en die oord en geriewe lyk net soos die internet dit aantoon. Ons het ongelukkig nie gekamp nie maar in 'n huis tuis gegaan. Die kampgeriewe is uitstekend. Die staanplekke op gras is nie ryk aan skaduwee nie maar op die sand kampeerplekke is skaduwee oorheersend.

Kragpunte is beskikbaar en ablusies is primitief maar skoon. Alles is by die winkel beskikbaar (Ys, brood, koeldrank, bier) Ons het net vleis saamgery. Julle behoort die tyd daar te geniet, seewater is skoon en warm genoeg om te swem, strande skoon en wyd, daar is 'n rif waar jy kan snorkel en visvang. Bereikbaar met 4x2's en sleepwaens - ons het dit gedoen

Xai-Xai het ons gebruik vir oornag en die karavaanpark is wat my aanbetref glad nie aan te beveel nie. Die ablusies is vieslik vuil en ons sal nie weer daar oornag nie. Het dit vir twee jaar in 'n ry gedoen.

Dan die oord waarvan ons die meeste hou is Morrungulo sowat 160km noord van Zavora. Beslis die moeite werd. Daar was ons drie jaar in 'n ry - Julie 2006 en Desember 2007 en 2008
Moderne oord met alles wat jy wil hê, grasbedekte skaduryke staanplekke, goeie skoon ablusies, mooi strande, weinig muskiete, naby winkels indien nodig en pad 4x2 vriendelik. Dit is teerpad al die pad tot die laaste 13 km wanneer jy afdraai na dier oord toe. Kan vir jou meer inligting/fotos gee as julle dalk soontoe sou wou uitwyk

Indien jy nog iets wil weet vra gerus - ek sit 'n paar fotos by

Aankoms by Zavora

Kampeerterrein met braaiplek, barakka en kragpunt (Gras maar min skaduwee)

Kampeerterrein op sand teen duin (anderkant van duin die strand en see)

Strand en see

Is Vrydag se kuier nog aan en waar en hoe laat.

Hallo Almal

Ons het die naweek by Monateng gestaan en het dit regtig baie geniet. Alles was goedversorg en in n goeie werkende toestand. (Selfs die swembad was swembaar al dan nie sprankelend agv die baie reen nie.)

Die luukse staanplekke was iets om te beleef, het dit nog nie van tevore by n kampplek gesien nie! Jy kan letterlik net slaap en eetgoed bring, die res is reeds daar vanaf n groot ys/vrieskas tot n skottelgoed wasser, ketel, broodrooster en n stoof met n oond!

Lekker groen gras ook,het dit geniet maar ek bly maar plafeisel verkies,. Die gras het selfs net na n naweek se staan merke getoon, weet nie hoe dit aan die einde vd maand sal lyk nie.

Slegs 2 goed het gekrap. Ons het reeds n geruimte tyd gelede bespreek en vir 12 staanplekke langs/bymekaar gevra en dit is so bevestig. Daar is egter by ons aankoms gevind dat ander mense staanplekke tussen in gegee is en daar is geweier om dit uit te ruil deur die ontvangspersoneel, nieteenstaande dat dit nog leeg was op daardie stadium.

Verder is die gebruik vd lapa teen meer as R1 600 per dag darem aan die stywe kant, n toegewing word wel gemaak as jy 15 staanplekke (nie 12 nie!) bespreek het na R330 toe.

Sal weer na Monateng toe gaan, dit is ook uiters goed gelee met verskeie besoekpunte in die omgewing as jy n bietjie uit die park wil kom.

Groete

Uit die boeke uit park
Ek was self al `n paar keer daar en dis altyd skoon. Kyk op Google Earth ek het `n fotos op gesit. Dit is my gunsteling KAMPLEK

Enige iemand wat kennis dra of ervaring het van die volgende kampplekke:

Tan'n'biki (naby Maputo) en ook

Zavora Lodge (Zavora - suid van Inhambane)

Hoor graag jul opinie - ons beplan Julie 2009 soontoe te gaan.

Daar is een punt van kritiek teen Monateng en dit is die hoeveelheid wilde katte wat daar rondloop. Ons was met die nat langnaweek in Aprilmaand daar en die spul katte (wat deur so 'n kwaai tannie van die oord gevoer word) het hulself in die nattigheid in 'n gat onder ons karavaan kom tuismaak en die hele plek natgepiepie. Nodeloos om te se, die reuk was erg. Daar was geen manier waarop ons in die reen kon afslaan en 'n ander plek soek nie. Dit het ons dae gevat om van die reuk in die grondseile ontslae te raak en toe ons nou weer by die see kamp, stink die spulletjie weer van voor af sodra dit klam raak. Ons vriende wat saam gekamp het, het dieselfde probleem ondervind. Ek kan regtig nie verstaan waarom die oord dit toelaat nie. Die verduideliking wat deur die kwaai tannie gegee is, is dat die katte die slange "en ander goggas" weghou. Mag dalk so wees, maar waarom hulle in die karavaanpark voer? Ons hele groep (ons was vyf kampeerders altesaam) sal beslis nie weer daar gaan kamp nie, net om daardie rede.

Ek het plek bespreek vir n naweek by Monateng, maar wat my nou pla is die feit dat jy nie n spesifieke staanplek kry nie en dat dit 'n "1st come 1st serve" basis is. Help die staf om vir jou n plek te kry om moet ek rond en rond ry om n oop plek te kry?

Ek kan net voorstel om nie te laat daardie pad aan te durf nie (nie later as een-uur nie), want dit is die pad wat na Khwamaslanga (spelling) toe gaan. Dit is 'n besige pad wat na die "tuislande" toe gaan met busse, taxi's ens. Moontlik met die Sondag terugkeer dieselfde om dalk nie later as twaalf-uur die pad aan te durf nie.

Thomas

Ek was die afgelope naweek 12-14 Nov daar. Alhoewel ek by een van die luukse staanplekke was het van die mense wat saan met ons gegaan het op die gewone plekke gestaan en daar was geen probleme nie. Ek het ook gesien daar loop 'n tannie met 'n besprekingslys rond en help mense om 'n lekker plekkie te kry. Daar was nog baie plek regdeur die hele naweek.

Geniet dit. Die swembad is ook verbeter met nuwe groter pompe en is ook nou 'n sout swembad. Baie beter as in die verlede.