Gesels saam op die WegSleep forum.
Liracia Boskamp - 'n Bosveldjuweel
Nuwe forum onderwerpe
Gesels saam op die WegSleep forum.
Maan, 29/03/2010 - 17:50
Plek: GP
Hier is nou ‘n lekker kuierplek !
Die Pelsers is besig om stil-stil van hierdie stukkie grond ‘n kampplek van faam te maak. Hier gaan jy nie honderde karavane en tente om jou kry nie, en jy moet ook nie allerhande vermaak verwag nie. Hier gaan jy weer ontdek wat dit is om saam met jou vriende te ontspan en kuier ; om tot ruste te kom, en saans die skoon sterre uitspansel te geniet en te waardeer.
Liracia Boskamp is so 30 kilometer noord van Pretoria, net wes van die Ou Warmbad pad. ‘n Kort stukkie grondpad bring jou tot by die plaashek, en voordat jy indraai, laai jy jou sorge en bekommernisse buite af. Vandaar ‘n paar 100 meter tot by jou boom. Hier is nie golfbaan-gras nie ; jy slaan kamp op sommer op die gelyk Bosveld-bossies en sand. Op jy staanplek kan jy met ‘n gewone driepunt-prop of die standard blou prop krag trek, en die kraan vir jou watertenk is sommer byderhand. Elke staanplek het ook sy eie netjiese braaiplek en ‘n gemonteerde elektriese lig. Hoe lekker is dit dat jy self hierdie lig kan aan en afskakel ; vanaand gaan daardie lig jou nie pla wanneer jy klaar gebraai het en sommer net langs die vuur stil raak nie, of wanneer jy uiteindelik bedwaarts keer nie.
Die ablusiegeriewe is pragtig, skoon en modern. Gaan loer gerus na die montering van die spieels in die badkamer ; ‘n unieke kunstige aanslag wat ook hier tref. Verder is daar ook twee toegewysde ablusies by twee staanplekke naby die swembad.
Dit is duidelik dat die kamp nuut en in ontwikkeling is, maar dit doen geen afbreuk aan die ervaring nie. Met dit wat al klaar beskikbaar is, wil mens sommer gou weer teruggaan om te gaan kyk wat het die Pelser-span intussen gedoen. ‘n Besondere boma is in wording en ek kan nie wag om binnekort daar saam met familie en vriende te gaan kuier nie. Ook hier manifesteer daardie spesiale kunistige aanslag op ‘n besondere manier.
Braaihout en ys kan gekoop word by die eienaars, maar maak seker dat jy al jou ander benodigdhede saambring. Mens wil nie hier tydens jou kuier sommer in die kar klim om ‘n winkel te gaan soek nie.
Poppas die perd en Kiara die skaaphond kom loer ook gereeld by jou kampplek in. ‘n Saal vir Poppas is beskikbaar vir die meer aktiewe lede van jou geselskap om op hierdie mak perd te ry.
Daar is uiteraard ‘n paar dingetjies waaraan aandag gegee moet word by die kamp, maar niks sodanig dat dit mens enigsins moet keer om nie hierheen te kom nie. En die Pelsers is baie oop vir en luister na konstruktiewe kommentaar en voorstelle.
Ek het altyd gewonder of dit regtig die moeite werd is om vir so kort tydjie te gaan kamp – Vrydag-middag tot Sondag. Hierdie naweek by Liracia Boskamp het my oortuig dat dit nie net moontlik is nie, maar ‘n absolute noodsaaklikheid.
Dis met hartseer dat die naweek so vinnig verby is, maar dan onthou jy weer dat omdat dit so naby aan die huis is, jy sommer vinnig weer kan haak en uitspan hier by die Liracia Boskamp. Ek is net bang te veel mense hoor van hierdie Bosveld-juweel…
Liracia Boskamp kan gekontak word by Petra Pelser, telefoon 083 282 1714, faks 086 658 3917, e-pos liracia.camping@gmail.com. Tariewe is redelik.
KampSa verwysing : http://www.kampsa.co.za/sites/campsa/campsa.nsf/0/5A0BFC83F9BB229B42257615002A525E!openDocument
| Aanhegsel | Grootte |
|---|---|
| 002.jpg | 151.3 KB |
| 003.jpg | 178.5 KB |
| 006.jpg | 203.75 KB |
| 008.jpg | 153.15 KB |
| 009.jpg | 161.96 KB |
| 010.jpg | 133.21 KB |
| 012.jpg | 165.03 KB |
| 047.jpg | 177.5 KB |
| IMG_5770.jpg | 94.4 KB |
| IMG_5775.jpg | 115.82 KB |
| IMG_5784.jpg | 167.27 KB |
| IMG_5789.jpg | 160.88 KB |
| IMG_5791.jpg | 86.13 KB |
Woens, 05/05/2010 - 13:46
#2
Plek: Pretoria
Ons het toe self die langnaweek van einde April 'n paar plekke geboek en gaan kyk. Moet absoluut met Johan saamstem........................behalwe dat ek nie die paar dingetjies kon kry wat moet aandag kry nie.
Ons is maar boskampers..........gewoond daaraan om met min oor die weg te kom!
Ou Poppa die perd was natuurlik die kinders se held. (sien aangeheg)
Die kamp was maar leeg, lyk my die Gautengers bang die reen!
Waar het jy gestaan Pierre? Ons het eers Sondag gegaan.
Johan
| Aanhegsel | Grootte |
|---|---|
| Poppa_help_kamp_opslaan.jpg | 148.65 KB |
Woens, 05/05/2010 - 14:00
#3
Plek: Moreleta Park; Pta
Ek sleep 'n '96 Penta met 'n Toyota Hilux 3.0D-4D
Ek sleep 'n '96 Penta met 'n Toyota Hilux 3.0D-4D
Johan, ons het oppad huis toe verby julle gery, reg by die ou Warmbadpad. Ek onthou jou wa goed. Ons het reg teen die draad staan gemaak, soos jy inkom ver links, maar het toe al genoeg koud gerky en nat gereen, en maar liewers besluit om op te pak.
Woens, 05/05/2010 - 14:28
#4
Plek: Pretoria
Ons het darem uitgehou tot Dinsdag.................groot vuur gemaak elke dag sommer al van vroeg af.
Sal beslis weer gaan na die winter.
Don, 01/12/2011 - 08:08
#5
Plek: Petoors
Enige nuwer inligting oor die kamp? Gaan Desember so 'n paar dae daar uitspan.
Don, 01/12/2011 - 14:26
#6
Ek het vir Kersnaweek geboek almal praat net goead van die Plek
Dins, 13/12/2011 - 19:46
#7
Plek: Pretoria
Ek sleep 'n Sprite Supersport met 'n Nissan hardbody
Ek sleep 'n Sprite Supersport met 'n Nissan hardbody
Ons het deur die winter twee naweke heeltemal alleen daar gestaan. Ons het ons eie badkamer gehad. Sal definitief weer daar gaan kamp. Baie lekker gewees.
Groete
Willie
Sat, 31/12/2011 - 08:54
#8
Het Kersnaweek daar gestaan behalwe vir die baie reen was dit baie rustig gewees defnitief n plek om te gaan ontspan . Niks om oor te kla nie
Groete
Tjaart
Dins, 03/01/2012 - 09:30
#9
Plek: Petoors
Was ook daar in Desember. Aangename kampplek - dalk net te min om te doen, behalwe swem en stap. Wat my beïndruk het, was die feit dat die eienaars self die ablusies en vullisdromme skoongemaak het omdat die personeel af was. Ons grondseil was vol modder a.g.v. baie reën en hulle arbeider (toe weer terug aan diens) het hom vir ons gaan was en silwerskoon teruggebring toe ons oppak. Net jammer van die sinkplaatpad ...
Wie's aanlyn
Daar is tans 21 gebruikers en 40 gaste aanlyn.
Aanlyn gebruikers
- Harry Du Randt
- Benzan
- Alias
- Cheetah
- Wingnut
- Molekule
- PaulS
- Eddie Laing
- GrootKoos
- John Cooper
- Gert Venter
- evert
- Hentie7
- Berno Punt
- Christo de Wit
- MarkP
- wehan
- Ian Laing
- Mariskab
- Speknek
- Stalkersa
Ek sleep 'n '96 Penta met 'n Toyota Hilux 3.0D-4D
Johan, ons het toe die naweek daar in baie reen en baie koue weer gaan kamp, maar ek moet met elke positiewe kommentaar met jou hierboe saam stem. Liebregt en kie, is baie aangename mense, wat absoluut uit hulle pad gegaan het om die kamp so natuurlik en persoonlik moontlik te maak.
Ons sal verseker weer daar gaan kamp!
Pierre
Indien alles onder beheer voel, ry jy nie vinnig genoeg nie.