VOETPLAATPARK

Hentie

Ons was so 3 jaar gelede daar gewees en die oord was heel gangbaar. Jy moet nie verwag om ATKV se staandaarde daar te kry nie. Die ablusies is maar redelik oud, maar was skoon en ons kon nie kla daaroor nie. Baie van die staanplekke het privaat ablusies. Die gewone oop staanplekke kry baie skaduwee en gras is derhalwe maar skaars gewees toe ons daar was. Selfs die onderste ry staanplekke teen die heining met privaat badkamers kry baie skaduwee en het dieselfde probleem met die gras wat nie daar wil groei nie. Ek verstaan egter van mense wat meer onlangs daar was dat die staanplekke waar die gras nie wil groei nie, nou geplavei is, maar dalk kan iemand wat meer onlangs daar was meer inligting hieroor gee. Blykbaar is hulle besig met 'n algehele opknappings/opgraderings aksie in die oord. Die bome is ook blyplek vir vrugte vlermuise en jy moet maar 'n ekstra seil bo-oor gooi om jou tent te beskerm.

Die oord het ook 'n swembad wat mooi skoon was toe ons daar was

Sekuriteit was goed toe ons daar was en die strand is lekker naby met goeie hengel plekke. Die voordeel is dat jy reeds oor die treinspoor ry om by die oord te kom en dus nie elke keer as jy wil strand toe gaan eers oor die spoor moet kom nie. Die treinspoor is egter direk langs die oord en kan steurend wees vir sommige mense.

Daar is ook 'n lekker kuier/eetplekkie op die strand by die oord se ingang en die kos was puik. Bannana Beach net langsaan (binne stap afstand as jy oor die spoor deur die bosse tap) het ook 'n puik strand met 'n goeie winkel en restourant/Pub waar jy lekker kan kuier.

Soos ek gesê het, ons was drie jaar gelede daar en dinge kon dalk verander het, miskien is daar iemand anders wat meer op datum inligting kan verskaf.