SleepVoertuig Raad: Audi A4 1.8T Multitronic

 Ji Makker,

Tussen my en my jongste Bulletjie het ons al 245000km op 'n 2005 Jetta tdi gesit met karavaansleep ingesluit sonder probleme. 

Het ook al gehoor van die Turbo probleme maar hoeveel is aan die drywer se gebruik te danke. Pa het gesê met geweld kan jy jou vinger in jou agterent afbreek.

Duurder dieselenjin is ongelukkig so.

Ek het Desember ons hele sirkus Badplaas toe gesleep met my 2L Tdi handrat. Ek pak my wa sodat ek steeds die neus op kan optel en haak sonder om met die Jockeywiel te lig. Aanvaar 70 -80 kg.

Pak die plastiekgoed in die kattebak sodat jy nie daar te veel ekstra gewig het nie met die anner losgoed oor die as en biiiieeekie agtertoe om hom te probeer balanseer.

My Audi sak ongeveer 30 - 35 mm, so my gooseneck (haak self met bal)  is in die boonste twee gate op die trekstang. Weet nie of die nuwer modelle dalk sagter geveer as die 2005 makker is nie.

Hoop jy kom reg.

Dit bly moese rygoed die Auditjies.

Andre

Hi Jacques

'n Vriend van my het die 1.8T Multitronic Avant. Hy sleep 'n Sprite Supersport. Sy model is reeds baie laag a.g.v. die sport suspensie. Sak nie te veel met wa gehaak nie, ek kan nie presies se hoeveel nie. Sy kar sleep fantasties. Hy is baie gelukkig. Hy ry ongeveer 60 000 km per jaar solo.

Groete

Aubrey

Jacques,

Wat gaan aan, staan daardie Audi al in jou garage? Baie geluk en plaas so paar foto's man hehehe

Ek spot net, jy dink seker nog daaroor.

Ryno

Jacques,

Wel, ek se maar solank geluk met die nuwe wa. Ruil jy bestaande voertuig in of is dit nou ma se spogwa, sy moet darm 'n geskenk kry vir die aankomeling.

Ryno

Dit is Maandag die 30ste van Augustus 2010.

Daardie spogwa staan en sulke rukkings kry in die verkoopslokaal en wag vir sy nuwe eienaar. Die ooreenkoms papiere moet nog net bevestig word met 'n handtekening en 'n bottel Shampanje saam met die oorhandiging.

Jacques, jy kan sekerlik nie meer wag nie? Laat weet wanneer jy hom kry.

Ryno

As ek mag vra hoe gemaak om 'n Tando-stabiliseerder saam met die Audie se sleephaak te kry.  Het dit nog nie van te vore gesien nie?

Baie geluk Jacques, mag die Audi vir jou net goeie kilometers gee. Dit is 'n pragtige voertuig.

Ryno

 Hi Jacques,

Ek hou sommer minner van jou vandag agv daai wit wa. HeHe He

Hoop jy gaan net sulke puik diens uit hom kry as wat ek tot dusver met my,  "onthou ouer" tdi kry.

Die multitronic ratkas is 'n interressante stuk yster.

Ek weet hier is nou ouens wat gaan wenkbroue lig maar daai ding raak gewoond aan jou as drywer en jou bestuurstyl.

Verstaan dit het iets met die elektronika in die kas self uit te waai wat "data" bymekaarmaak van hoe jy elke keer wegtrek en hy weet dan later hoe jy "normaalweg " versnel en pas die ratwisseling daarby aan.

Jy moet dus probeer om "dieselfde" te ry - bedoelende, nie een daag jaag deur die ratte en die volgende dag rustig nie.  

Kon dit ook nie aanvanklik glo maar dit word as die waarheid aan my voorgehou.

As jy vinniger wil versnel gebruik die "S" wat die kas 'n bietjie langer in die laer rat hou - dws hoër rewolusies toelaat voor hy oorskakel.

Verstaan as meer as een drywer die voertuig gebruik, die proses om die gemiddelde te bepaal langer neem of dan gladnie uitgevoer word nie agv die wiselling/ongereeldheid van die inset data. 

Groete en lekker ry

André

Baie geluk Jacques - dis darem mooi voertuie daai hoor! Voorsprung der Technick!!

Jacques

'n Vriend van my sleep ook sy Swing met 'n Mazda 5. Hy het in die verlede gekla dat die kar se stert ook  redelik sak as hy die wa haak en dat dit vir hom voel asof die kar bietjie traksie verloor op sy voorwiele (trekwiele). Hy het toe in Oktober vir hom van daai lugsakke bestel en ingesit op die agterste vere. Hy is verlede week af Hartenbos toe met die kar en het nadat hy die wa gehaak het eers die lugsakke gaan pomp totdat die kombinasie weer waterpas staan. Hy kan nie uitgepraat raak oor die verskil wat die lugsakke gemaak het nie en die lugsakke het die kar se voorwiele weer terug gedruk sodat hy weer volle traksie op die voor wiele teruggekry het.. Hy praat van so R2500 wat die lugsakke hom gekos het en reken dit is elke sent werd plus nog soveel.

As die kar se agterent te veel sak (40mm klink vir my nogal na baie) kan jy dit dalk oorweeg om ook van hierdie lugsakke te laat installeer. Dit werk heel maklik en jy pomp hulle sommer met die wiele pomp by jou naaste motorhawe sodra jy gehaak het en as jy by jou bestemming gekom het blaas jy dit net weer af en siedaar jou kar hanteer weer soos normaal.