Potjiebesproeiing

Hallo daar

Ek het die patent ook so 15 jaar terug begin gebruik. Myne het ek van vlekvrye staal gemaak. Die voordeel van die patent is dat terwyl die sous die heeltyd oor die potjie geproei word die kans dat die kos aanbrand ook dan nou baie klein is.

 Jan, het jy die bokant permanent toegemaak? Ek het myne (waaroor die artikel gaan) met 'n kort boutjie toegemaak sodat hy verwyder kan word vir die skoonmaak proses. 

Die modelle wat verkoop word, het nie die bout en horisontale gaatjies in nie. 

Hallo Ian

Ja die punt bo is permanent toe, as ek dit skoonmaak laat ek warm water van die onderkant deurloop, dit maak die pyppie mooi skoon.

DanieG

Ek hetook gevind as daar te min sous in die pot is wil dit nie so lekker werk nie, my pot is gewoonlik so half vol sous en het ook gevind as die deksel op is dat dit beter werk, kan hoor hoe spuit die sous oor die kos.

Skippie

Weet nie waar gaan jy dit te koop kry nie. Watter nr pot het jy, die wat ek gemaak het is vir n nr 3 pot. Kan dalk nplan maak om een by jou te kry, my dogter woon in Middelburg.

Nou weet ek waar het ek verkeerd gegaan, ek het al die tyd die bier gedrink ipv om dit in die pot te gooi!

 Danie, jy moet mededeelsaam wees ou maat. Jy moenie daai pot wat so lekker met jou saamgesels se keel laat droog ly nie. 

Moet net nie die kok indoen met die voggies nie! 

Ek gebruik my potjiespitter in beide my #2 en #3 pot. 

Net n paar fotos hoe die potjiebesproeing werk

Forumiete...........Jan is 'n man van sy woord!!

Jan het so-pas vir my 'n potjiekos besproeier kom aflewer!!

Jan ek's baie dankbaar vir die geskenkie en baie dankie vir jou en Christa se moeite om dit vir my te bring! Hoop julle eet lekker aan die Blou Bul Biltong!

Baie sterkte vir julle met die nuus wat jy met my gedeel het - ons vertrou op die Liewe Heer dat daar betterskap sal wees.

En mense, so lyk hy in my pot!

So baai the way, wat gebruik julle ouens vir 'n handvatsel op jou pot se deksel op te tel as hy warm is? Ek het 'n sleutelhouer gekoop by Mac-Mac Falls lank terug wat lyk soos 'n stukkie hout en dit aangewend as 'n potjie-deksel-megafter!

Daai pot fotos maak my nou lus vir n lekker kalahari dorper skenkel POT!!!!!! Wat doen julle aan my???

Môre Forumiete,

Jan, ek moet sê daai sproeiertjie werk 'n hond uit 'n bos uit!

Ek het hom eers gou gister getoets met so lekker skaapskenkel potjie!! Ek moes net eers leer op watter tydstip jy hom moet insit en toe weer leer om bont te staan as jy deksel oplig, want hy zirts jou kort-kort van alle rigtings met die sous!!

So nou en dan het dit gelyk of hy bietjie blok met van die spices in die sous, dan tik ek hom net so liggies van bo af met die hout lepel, dan gaan die gaatjies weer oop!

Neewat, hy werk spiekeries, dankie my ou maat- ons gaan hom nog eendag saam beproef!

Binne in die pot - kyk hoe lekker spuit hy!!!!

Hallo Skippie

Ja man dit lyk nou mooi, ek braai gewoonlik eers my vleis dan sit ek die pypie in en ja die gaatjies kan so nou en dan blok dan vat ek n tandestokkie en maak dit weer oop.Ek sien jy het die nr 2 pot gebruik , die pypie sal minder mors in die nr 3.

mooi bly

Jan

Skippie

Geniet hom net, ou - dis al vereiste!

Baie dankie vir die biltong en chilli-bites, dis baie lekker (net jammer dis Blou Bul biltong!).