Multiplug om buite op wa te monteer?

Ek het vir my Exclusive 'n ekstra een opgesit.  Dit vat so 20minute as jy weet wat jy doen.  Wees maar vesigtig met die bedrading, want hy moet deur 'n aardlek gaan om veilig te wees.

Dit maak die uitleg in die voortent aansienlik makliker sonder bedrading wat die wereld vol lê. 

Jy score nogal 'n paar browny punte by vroulief

Henk, die enigste uitdaging wat ek daarmee het is dat is die kragpunt nou net op een plek is. Ek hou van verandering en pas die uitleg van die tent aan by die kamp omstandighede. Ek weet nie wat jy sleep nie maar ek het die volgende gedoen.

Die yskas in my Penta is aan die tentkant van die karavaan. Onder die yskas is 'n krag prop waar laasgenoemde ingeprop word. Ek het 'n dubbel prop hierin gedruk en 'n verlengkoord van ongeveer 3m aan 'n "multiplug" gesit en dit ook daar in geprop. Die "multiplug" het 'n montasie op wat ek gebruik om hom mee aan die kant van die karavaan haak. Die draad gaan deur die "Vent" aan die agterkant van die yskas.

Nou kan ek die krag punt enige plek langs die karavaan aan die aliminium strip haak soos die behoefte mag wees. En dit is nie van kabel uit rol en inprop en so nie. Ek maak die "Vent" oop haal die "Multiplug" uit, verwyder die Checkers sak (Verhoed natigheid), trek die draad uit tot waar ek hom nodig het.

Hier het ek 'n verskuifbare kragpunt wat drie en twee punt proppe kan vat sonder om enigsins gate in die karavaan te maak. En nog 'n ding die "multiplug" is tafel hoogte wat wisseling van proppe vergemaklik ens.

Dalk iets om aan te dink. 

Henk,

Ek dink Pretoria Karavane sal so 'n bietjie vêr wees vir jou!  Probeer Vrystaat Karavane in Bloemfontein by jou om die draai en kry sommer 'n kwotasie vir die insit.  Hulle sal waarskynlik so R100 vra om dit te doen.

Groete

Dagse almal

Ek sit met dieselfde "dilemma" as Henk. Ek het reeds die multiplug gekoop en gaan die naweek poog dit te installeer maar ook baie benoud vir die onverwagte. Stoffel praat van ribbe agter die metaalplaat en Frikkels praat van aardlek goeters!!! Nou is ek eers benoud. Julle kampers wat in die stede woon is soms bevoorreg. Die naaste karevaan diensplek is van my af seker so 200 km. Is daar nog iets waarvoor ek bedag moet wees? Terloops, ek het reeds vanaf my transformer(?) krag aangele na waar ek die multiplug wil aansit, nl by die wiel aan die voorkant

groete

Nico

Nico,

Ek het myne in die middel van die paneel af gemerk, vier gate geboor en 'n figuur saag (jigsaw) gebruik en dit uit gesaag. Die ribbe is gewoonlik naby die kante van die pannel. Ek het nie 'n karavaan plek of iemand genader om inligting the kry nie. Ek het wel vir jou 'n voorstel. Merk eers die posisie met 'n potlood buite af. Boor 'n gaatjie op die een hoek en gebruik dan 'n els of iets soort gelyk, druk dit by die gaatjie in en beweeg dit na die ander kant van die afgemerkte deel. As daar 'n rib is sal jy dit kan voel. Daar is net polistireen tussen die plaat en die laaghout.

Ek het silikoon gebruik om dit af te seel om seker te maak dit is waterdig.

Ek het al die operasie gedoen op al 3 karavane wat ek al gehad het. Soos meeste ouens se, merk maar ek gebruik 'n Jigsaw om die reghoek uit te sny. Dit is soos 'n warm mes deur botter, glad nie moeilike proses nie.

Maak net seker dat jy die klein monteer skroefies nie vergeet nie. Hulle is baie skelm agter die swart spons seel strepe weg gesteek. Gebruik hulle om die hele multiplug vas te trek. Smeer ook eers goeie produk soos SIKAFLEX of DEN BRAVEN BOND / SEAL aan voordat jy dit monteer.

As daar enige ouens in Centurion area is wat wil kom kyk hier by my is julle welkom.

sterkte

Romeo

Ek het so paar jaar terug gaan kyk na die multiplugs by Pretoria karavane toe het hulle nog die swart seel ingehad maar toe ek so maand terug daar was, was dit net die multiplug alleen en is meegedeel dat die seel los by gekoop moet word wat toe nie in voorraad was nie. Ek het ook nie die skroefies of gaaitjie vir skroefies gesien nie, weet nie of dit dalk nou 'n nuwe goedkoper namaaksel is nie.

Stephen

Nee Henk, my moed het my begewe om 'n gat te sny en dan vas te brand met een of ander probleem. Ek wonder ook oor die vassit van die plug want die een wat ek reeds gekoop het, het ook nie skroefies nie. Soos ek die ding beskou gaan slegs die silicone die plug moet vashou en dit klink nie vir my reg nie. Ek gaan maar wag en jou fotos met groot aandag bestudeer. Die bal is dus aan jou kant!!!.
Ian het ons verwys na Wegsleep no 5 bl 46 maar het ek nie die uitgawe nie. Ek het ook onsuksesvol gepoog om op die web daardie artikel af te trek. Miskien is daar iemand wat die artikel kan fotostateer en vir ons stuur???
Groete

Onthou net om die plug hoog genoeg in te sit sodat die hoër as jou tafelblad is anders gaan jy sukkel om ide plugs in en uit te kry. My Swing s'n is sommer voor in gedeelte waar die kas is ingesny en daar gekoppel, so die agterkant is uit die oog.

Henk, ek sal nog steeds die plug met skroefies vassit en nie net met silikoon nie, party drie-puntplugs kan nogal redelik vassit en mens moet dit amper met geweld uittrek, die silikoon gaan oor tyd losgaan!

Mafusa,

ek het al vir jare die kragpunte aangesit . Net voor Jan van Riebeek geland het. Daai tyd was die wettigse, industriele proppe met 2 waterdigte klappe oor die skakelaar en die vroulike gedeelte. Ek het een op my Romany gesit. Die wettige gedeelte het ook bepaal dat die drade in 'n om hulsel Pyp moet wees as dit onder die karavaan loop. Ek sit dit onder aan die Chassis (sal dalk more onthou  wat die afrikaanse woord is) vas een voor en een aan die agterkant van die karavaan dus het ek voor en agter kragpunte. Dit maak die sny van die karavaan vir die proppe onnodig en dit verhoed houtvrot geen moontlikke lekplekke.

Die heel belangrikste is egter om die punte aan die krag uitskopskakelaar te verbind vir veiligheid.

Wat ek ook doen is om 'n tweede hoofkragpunt voor aan die karavaan te sit , laat my toe om karg vanaf die oord voor of agter te koppel. watnt baie keer sit die oord se kragpunt aan die voorkant van die karavaan en maak dit dus moontlik om 'n korter verleng koord te gebruik.

Dit grootste en ook die gevaarlikste aksies wat sommige boffins doen is dat hulle die dunste verleng koord gebruik om van die oord te tap. Gaan voel hou warm word daai draad as jy jou exclusive se volle eliktrisiteit Kapasiteit gebruik. Dink net as die drade smelt en my klein dogter word doodgeskok as sy daarop trap.

Hi almal,

wat my die kwaadste gemaak het is daai ou wat die Wegsleep se sleepwa gepimp het met sy opmerking toe een van ons eie boffins gese het dat die drade vir die gelykstroom gedeelte maar dun is. Sy antwoord was dat  dit moet dun wees sodat deur almal gedoen kan word.  Wat is die verskil om dun - of dikdraad te le.??? Dit is nou tipies 'n ou wat houtwerk gedoen het en nou maak hy of hy weet van elektriek.

Gelykstroom het die dikste geleier(draad) nodig, anders gaan al die krag in die draad verlore en kom nie by die plek (lig) wat dit moet gebruik nie. Dit is my OOM (Ohm) se wet en dit is al deur die' eeu elke keer bewys. Dit kan jou batery ook gouer papmaak.

Dink aan daai ou 6v Volksies wat 'n kers nodig gehad het om te sien of die ligte brand.

Hi julle,

Ek het die 2 bladsye "gescan" en kan dit vir julle aanstuur as "PDF file" .  PM my net julle e-pos adresse.

Groetnis

Gerrit

Gerrit, ek kom nou eers agter hoe werk die PM funksie maar hierbo is my e-mail addres in elk geval.

ek leer vinnig

Tokkie, jou voorstel trek ook my aandag en verstaan ek min of meer wat jy gedoen het maar wil ek baie seker wees. As jy dalk een of ander tyd wel kan foto's kan neem en vir by stuur sal ek baie bly wees. Ek het 'n ruk gelede 'n baie dik kragdraad onderdeur die karavaan vanaf die transformer na die voorkant van die wa aangele en tydelik 'n gewone dubbel prop aangeheg. Die prop is ongelukkig reg agter die linkerwiel en tel maklik modder en stof op wat dan 'n gesukkel afgee om 'n prop in te druk. En of my draad aan die krag uitskopskakelaar gekoppel is weet ek nie so mooi van nie. Ek sal seker maar ,ten duurste, die een en enigste elektrisien op die dorp se hulp moet inroep om te kom kyk watse nonsens ek alles aangevang het.

Groete aan almal