Classique Probleem

Ek het 2005 Exclusive en het ook al dieselfde probleem ervaar.  Jy sal opmerk dat as die woonwa se stutte nie gebruik is nie, haak die deur nie vas nie.  Jou probleem lê daarin dat jou stutte aan die linkerkant of aan die regterkant nie eweredig afgedraai is nie.  Probeer die volgende : kry die woonwa so naby aan waterpas as moontlik met behulp van die jockey-wiel en wiel blokke (daardie geel opry blokke) indien nodig.  Werk dan eerste met die stutte aan die linkerkant en dan aan die regterkant (of omgekeerd, afhangende watter kant moet effens gelig word). Gestel die tent-kant moet effens opgelig word, draai dan die stut links agter tot op die grond en van daar af tel dan die aantal volle draaie tot by die regte hoogte.  Draai dan die stut links voor tot op die grond en tel dan die aantal volle draaie dieselfde aantal omwentelings as links asgter. Beweeg dan na die regterkant van die woonwa en doen dan dieselfde regs agter en regs voor.

Hierdie prosedure voorkom dat die onderstel soos 'n koeksister knak wat tot gevolg het dat deure nie vrylik oop en toemaak nie. Die geheim is dat die linkerkant van die woonwa moet voor en agter in dieselfde waterpas-posisie gelig word  -  netso moet die regterkant voor en agter presies gelyk gelig word.  Pasop natuurlik dat die stutte eintlik nie bedoel is om die woonwa kwaai op te lig nie, maar om dit stewig te stut.

Len