Bosal Sleepstang

Hierdie storie het twee dele maar kom ek probeer dit verkort.

Ons het gepak en gehak toe vertrek ons Hartenbos gtoe vir ons jaarlikse vakansie by die see.  So het ek agtergekom daar is iets nie lekker tussen die Ford en die Classique nie, elke keer as ons gestop het het ek als nagegaan maar niks wat ek kon kry wat nie inplek was nie.  Tot ons op 'n plek gestop het en ek merk dat die trapizium na agter to hang.  By ons oornag plek in 3 Susters het ek kans gehad om mooi te kyk en besluit toe om die Trapizium in sy "lock" posisie te sit vir die res van die pad af Kaap toe.

Daar gekom het ek die foto's geneem en afgesit na die Ford handelaar, hulle kon niks vout kry nie.  Ek het die handelaar in Centurion geskakel en is verwys na Supa Quick wat die "fitment centre" vir Bosal was.

Lang storie kort het hulle gesê die lewens lange waarborg wat op hulle produk verval aangesien die verkeerde sleepstang opgesit was.  Bestel toe die regte een en hulle sit dit op.

Het die lyne warm gehad Pretoria toe.  Ek bring toe die ou een terug en vat dit na die Ford handelaar.  Na baie woorde en meet en vra ens. het hulle toe besluit om my geld vir my terug te bataal aangesien ek kort voor my vertrek eers die voertuig gekry het.  Met die geld in my bank die einde van April kon ek verder gaan.
DANKIE Lazarus Ford in Centurion en ook Ford S.A.

Ek het Bosal gekontak en met so bietjie gesukkel 'n afspraak gemaak om die nuwe een vir hulle te gaan wys by die fabriek in Koedoespoort Pretoria want ek was nog steeds nie tevrede met die produk wat hulle laat opsit het in Mosselbaai nie.
Dinsdag middag het ek 'n e-pos gekry, ek moet Carlos by hulle R & D afdeling vanoggend gaan sien.

Daar aangekom is ek verwys na ontvangs so 500m langs die spoorlyn af was die Carlos in 'n vergadering (hoe het Ryno altyd gesê, my meter het na die rooi begin gaan want ek het 'n afspraak en van die werk af en hy is in 'n vergadering)  Na 'n koppie boeretroos daag Carlos daarop, vra verskoning want hy het nie geweet hoelaat ek daar sal wees nie want die ou wat my soontoe gestuur het het nie vir hom tyd gegee nie.

Ek is toe terug kar toe om om die blok te ry tot by hulle R & D se hek.  Carlos het my deurgewys tot in die werks winkel waar ek die Ford op fir "lift" gery het.  Hy het gesê hy wil die hele storie inspekteer, "bumper" ens. afgehaal en gesien dat die plaat steeds oorhang, nie soveel soos die vorige een nie.  Hy het verduidelik wat hulle gaan doen en die ou het aandie werk gespring.  10:30 was als klaar met 'n nuwe hak en 'n baie lekker en waardevolle geselsie met Carlos die TRG Development Manager.

Hoekom moet mens eers sukkel ???  Miskien voel die beloning dan net soveel groter ???

DANKIE
Lazarus Ford in Centurion en ook
Bosal in Koedoespoort
Nou is ek 'n tevrede klient