Caravan Mover

Knie of heup vervanging kos my niks nie -mediese fonds beataal daarvoor!

Sal by hulle uitvind of hulle vir 'n "mover" sal betaal - kan dalk net koste spaar vir hulle?

Dag Pensso

Geluk met jou besluit, hoopjy geniet die nuwe speelding

 R16 000 vir n motortjie en n paar ratjies om die wa rond te skuif was vir my bietjie te duur gewees.

Met n begroting van R1000 het ek vir my een gebou wat heel goed werk. 

Hier is n video clip wat ek gemaak het van die oukie.

http://www.youtube.com/watch?v=IUPSb_egc4I

Hy bestaan uit n klein 600W 220volt boortjie, 2 quad bike wiele en n ou ratkas wat uit n industriele vleis meultjie kom. Dan is daar n lekker dik kettang en 2 industriele ratte. (een groot en een klein om die ratkas nog stadiger te laat draai.)

Ek het die kontroles van die boor af gehaal en dit verplaas na die hefboom. Sodoende kan ek die 'variable speed controller' gebruik asook vorentoe en agtertoe.

My oprit was redelik skuins, (1: en die 2 wiele het goed greep gehad en die boor het genoeg wringkrag ontwikkel deur die ratkas.

Alles tesame was omtrent R1200 gewees.

Die ander lekkerte is dat ek die karavaan se 'inverter' kon gebruik het as ek wou om die boor aan te dryf in plaas van om n krag draad iewers hoef in te prop.

 @ JD, as Deon Joubert hierdie draad raaklees dan bou hy definietief ene !!!!!!!

JD, ek wonder sommer hoe ver mens sal kom met 'n sterk DC battery boor?

Gehoor hulle lewer beter torque teen lae revolusies...

 1. Ek het gelukkig nie nodig gehad om agter die wa hoef te geloer het nie. My probleem was dat ek die wa by die hek moes in stoot en dan onmiddelik 90 grade swaai om hom op die grasperk voor die huis te kry. My Ford Ranger kon nie so skerp draai nie. Terwyl ek die wa in stoot was dit wel maklik om langs die wa te sien wat aangaan. Net nie agter nie.

2. Die boor was een van daai wat n mens by Builders Warehouse koop vir R80. Hulle verkoop sulke goedkoop bore elke nou en dan.

3. Ek het R100 betaal vir die twee wiele. Ek het van motorfiets winkel tot motorfiets winkel gery op soek na een wat n stukkende quad het en bereid was om van die wiele te verkoop.

4. Die ratkas het ek gekoop by die scrap mettals plek vir R15. Ek moes hom bietjie skoon maak en n roller binne in vervang, maar sy ratverhouding was voldoende gewees.

5. Die ratte en kettangs was die duurste gewees. Ek dink dit het by die R400 gedraai vir die parte.

Die 'mover' hoef gelukkig nie saam te gaan as ek kamp nie. Ek het hom net nodig gehad as ek hom in en uit die werf wil kry.

Willie,

Ek het ook die een van Erik laat insit, na 'n klomp (bekly) is die probleme uit gesorteer of so het ek gedink.  By Hartenbos moes ek hom gebruik want die neus staan see toe en hy het goed gewerk, 3 weke later (laas Vrydag) na ons op gepak het en die karavaan terugstoot en draai het die "dam" ding my weer in die steek gelaat die een kant het weer net opgehou om te werk.  soos die noodlot werk is die verdomde "fuse box" onder die banke geplaas en jy moet als eers afpak om daar uit te kom.  Gelukkig kon ek die Ford in kry en die res met hom doen.

Die aand by Karoo N/Park het ons als van die bed afgepak om by die "fuse box" uit te kom, die linker een wat nie meer wou werk nie se "fuse" het warm geword en begin smelt maar nie geblaas nie.  Ek het nie 'n spaar 30amp gehad nie en net die twee om geruil en daar werk dit weer.

Nou moet ek die karavaan weer al die pad Comet toe sleep sodat hulle na die probleem kan kyk ???  Dit is mos nie ek wat die probleem veroorsaak het nie, hoekom kan hulle nie na my toe kom nie ?

Dit is die soort goed wat volgens my die produk 'n swak naam gee.

Jacques,

Ek voel ook so, Jurgen van Comet het my reeds gebel nadat ek 'n e-pos aan Erik gestuur het en hom ge "Cc..." het (2x)

Nou moet ek weer als uitpak en op my onkoste en tyd die karavaan Boksburg toe sleep, dit is wat my ook dwars in die krop steek.  Ek sal weer vanaand andwoord op my e-pos wat ek vir hulle gestuur het, ek hou nie van bel nie want dan het ek nie bewys nie en Comet hou nie van e-pos nie, wonder hoekom ?

Ek het dit nou eers hier geplaas nadat die draad weer lewe gekry het en dit Willie se draad is het ek gehoop hy lees dit want hy installeer dit vir Erik.

Willie,

Jy sê jy stem saam ?  met wat ?

Ek was onder die indruk dat Erik die koste sou dra want dit is sy produk en hy het vir my per e-pos gesê hy stuur jou, ek het toe vir hom gesê dat ek jou reeds gekontak het en dat en sy (Erik) se inligting verwysing by jou gekry het.  Ek het wel genoem dat jy uitgekom het, gaan kyk na pos #70 by http://www.wegsleep.co.za/se-jou-se/forum/raad-en-wenke/wat-s%C3%AA-die-vervaardigers-en-die-oorde/2011-jurgens-exclusive?page=2

Ek het nie 'n probleem met jou diens gehad nie en as jy die e-pos gehou het gaan kyk weer wat het ek gesê.

Om 'n voertuig terug te vat na aflewering omdat iets nie reg is nie is aanvaarbaar maar om dit na amper elke kamp te doen is nie vir my aanvaarbaar nie.  Ek het soortgelyke probleem met Fors en hulle moet elke keer vir my 'n leen voertuig gee want ek kan nie heeltyd heen-en-weer ry nie.  Sou die voertuig my in Hartenbos gestrand gelaat het het ek hulle van daar geskakel om die probleem op te los, moes ek dan vir Erik geskakel het omdat ek nie my karavaan kon uit kry nie, wel ek het maar self probeer plan maak.  Hoekom is die probleem nie na die 2de keer uitgesorteer nie ?

Vra maar net as dit nie die eerste keer gedoen kon word nie.