Boswa Projek

 My eerste stap was om die onderste gedeeltes waar ek 'n groot laai gaan insit, te bou.  Ook die boks vir die batterye met die versterkings vir my kaste wat boontoe gebou gaan word.  Het ook die kas gebou waar ek my waterkanne (of ander goed) sal stoor.

Edward, die basiese wa het my so 23k gekos. Dit sluit die registrasie, galvanisering en die ekstra spaarwiel in.  Dit is vir 'n 1,6t rubax as met inloop remme. 

 Die slaapkamer kant.  Elkeen in die familie kry twee van die kratte om sy klere in te pak. Dan is daar darem nog pakplek bo.  Onderste foto wys waar al die elektrisiteit van beheer gaan word (insluitende die 12V sisteem). Die kas aan die regterkant is ʼn hangkas.

 Ons bly in 'n sekuriteits kompleks. Die dat daar nie mure voor is nie.  Maar oor die algemeen het baie minder mense in die Kaap hoë mure voor hulle huise. In die Kaap is daar ook 'n beperking van hoe hoog daardie muur mag wees (maks 1,8m) en dan mag hy ook nie solied wees nie (aan die straat se kant).

 Deure is aan.  My klap deure het ek in twee dele gemaak. Die opening is 700mm en dis bietjie te veel vir my vrou wat kort is. Ek wou ook nie die slotte op die flap wat afslaan gehad het nie want dis net in jou pad. Dus maak ek eers die onderste flap toe en die boonste klein flap vang die onderste flap en ek sluit alles (hoop dit maak sin).  Die boonste flappie is op 'n "gas lift" en maak lekker oop tot die regte posisie.  Onder die flap het ek LED's ingesit. Nou skyn my ligte lekker af op my werksoppervlakte sonder dat dit in jou oë skyn.  Sal later 'n foto daarvan plaas.

KRAG: Alhoewel ek 220V het wat inkom na 'n DB, hardloop alles in die waentje op 12V.  Deep Cyle batterye is in wat hardloop na 'n sentrale skakelaar en dan na 'n "fusebox". Hiervandaan hardloop al die bedrading na al die llgte in die waentjie assok die yskas.  Elke opening in die waentjie het ligte en is op sy eie skakelaar.