Waar om sleepwaentjie te koop (JHB area)

Een van my kollegas het verlede week een namens 'n vriend ge-adverteer. Was regtig in 'n mooi kondisie vir 'n billike prys. Toe ek nou navraag doen is hy egter reeds verkoop. Skuus as ek jou verniet opgewonde gemaak het

Gaan kyk gerus by 'n Jurgens handelaar na hulle sleepwaantjies. Ek sal eerder so-een koop as 'n Camp Master.

Die prys pas in jou begroting in.

Hoekom? Jurgens is al vir jare bekend vir kwaliteits probleme. Hulle sleepwaens is ook maar 'n nuwe ding wat hulle probeer.

Aan die ander kant word Campmaster se sleepwaens soos genoem deur Challenger gemaak. Op die plaatjie en jou registrasiepapiere staan daar challenger. Dis net die stickers op die waentjie wat staan Campmaster.

Nou bietjie meer inligting. Gaan lees gerus Challenger se webtuiste. Jy sal opmerk dat amper al hulle direkteure se vanne Venter is. Ja dit is hulle wat die Venter sleepwaens gebou het al die jare en die Venter naam bo alle ander sleepwaens gesit het. Later is hulle oorgekoop deur iemand, maar hulle maak vandag steeds sleepwaens by dieselfde fabriek in Naboomspruit. Challenger. Of dis nou hoe dit aan my vertel is.

Ek het oor die Desembervakansie langs mense gekamp wat een gesleep het en hom goed uitgekyk.

Modulêre onderstel met 'n Rubax in. Baie beter as die vaste-aste met die bladvere. Die waantjie is goed afgewerk en vertoon mooi. Dit was 'n 1.8m wa met 'n neuskas. Die mense het R9000 betaal en hy was nog nie 'n jaar oud nie.

PS, Oubaas, hulle bou beter sleepwaens as woonwaens hoor.

Sommige van die CAMPMASTER produkte (wat onder andere by MAKRO beskikbaar is) word deur KARET vervaardig op Bothaville, soos die Pick & Pay produkte. Ek het die Campmaster Roadbuddy by MAKRO gekoop, en probleem gehad met deksel en neuskas deksel wat nie goed geseël het nie, en iemand van die fabriek by Bothaville het hom by my huis kom haal in Klerksdorp, herstel en weer teruggebring.

Baie goeie produkte (KARET), en die manier van bou is (vir my) beter as van die ander produkte en fabrikate.

Altyd egte kampgroete.

Frans

Dis reg Frans, sommige van die kleiner sleepwaens word deur karet gebou vir Campmaster. Ek weet want ek het touchup verf gesoek vir so brandewynvlekkie en dis hoe ek toe op die inligting gekom het oor wie die Campmaster sleepwaens bou. Is toe na Challenger verwys, vir my model. Ek sien egter deesdae dat sommige van die trailers by Builders sommer die Karet stickers op het en nie Campmaster nie.

Jeanee dis maklik, gaan na Makro/Game ens en gaan kyk op die trailer waarvan jy hou se kant sal daar 'n plaatjie op wees waar die gewigte ens aangedui is. Jy sal ook die maak van die vervaardiger daarop sien.

Wel julle, as mens dan nou 'n "ervare" sleepwaentjie wil koop, is daar geen ander keuse as 'n Ventertjie nie. Hulle is per slot van sake die langste in die land.

Roes kan mens vinnig en effektief regmaak en ek sal eerder daardie "kans" waag vir die voordeel van die modulere onderstel en Rubax op die Jurgens.

So, julle, ek hou voet by stuk.

Moet ook nie vergeet van die 750kg maks gewing nie.  Dit los nie veel oor vir pakkasie nie, want die jurgens waentjies is maar swaar.

Die Ventertjies is al beproef oor 'n hele klompie jare, die jurgense is maar nog nuut in die game.

'n Vriend van my het Desember dieselfde Challenger as wat Makro verkoop onder die naam Campmaster, direk daar by Challenger se depot in Jetpark gekoop. Dit was goedkoper, maar vergelyk eers die huidige pryse want Makro het baie 'specials'.

Die depot kan ook dadelik veranderinge maak op ekstras opsit as jy dit wil aanpas.

Groete

My 7 voet Ventertjie is al 11 jaar oud en het al BAIE trippies gedoen oa na Mosselbaai, Namibie & die jagveld. Hy was al met tye so gelaai dat die bladvere reguit gestaan het. Nog nie 'n dag se probleme gehad nie en hy is nog ver van opgeroes.

Ons het ook 2 7voet ventertjies, beide is om en by die 20 jaar oud. 

Die een se hele bak het aan die voorkant los geroes, meestal omdat   hy gedien het vullis / vuilgoed waentjie en nie baie mooi opgepas was nie.   Die ander een het omtrent geen roes op nie. 

Nog net 1 keer die wielbearings vervang op beide. Niks anders nie.

Dis die punt. Enige ou kan enige ding breek as hy nie na hom kyk en soms so bietjie onderhoud doen nie. Maar as jy nou gaan kyk na die wat net ry waar hulle wil, geen onderhoud doen nie en die ding staan dalk buite, Dan is daar steeds niks fout met die as, bladvere of onderstel nie. So die roes is die grootste kans  wat dalk jou waentjie kan vernietig as jy nie na hom kyk nie.

Ek se mos daai ou Venters is die beste en dat die mense wat hulle gebou het nou Challenger bou.