Skippie se Boerewors en Steak Pastei

 Goeie dag,

Dit is weer tyd dat ek 'n bydrae lewer hier vir Kersfees en voor die jaar verby is! Ek en my seun het gister gou die resep uitgewerk en toe op die proef gestel! Dit was regtig heerlik saam met rys en 'n mengelslaaitjie.

Hier volg die storie!

Skippie se Boerewors en Steak pastei

Jy benodig:

1 kg Steak blokkies(sag of slaan hom met die hammer!)

500g Boerewors (jou keuse)

500g Puff pastery (skilferkors deeg)

1 groot gekapte ui

150g gekapte knoffel

2 gekapte soet rissies

2 eetlepels gekapte Chives

1 koppie gekapte spring onions

1  pakkie  Ina Paarman se Sun dried tomatos (opsioneel)

1 koppie  Wellingtons Steak House Sauce of Jimmys sauce as jy het

350 ml  Melk/room

2 opgehoopte eetlepels Ina Paarman se bruin sous poeier

Olyf olie

Jou speserye en sout en pepper na smaak (wit en gemaalde swart pepper)

So maak jy:

Braai die uie, soetrissie, knoffel, chives en spring onion in ‘n bietjie olyf olie in ‘n braai pan (gas, kole of elektries) tot dit mooi bruinerig en glaserig is.

Verwyder dit van die pan en hou eenkant.

Braai nou die boere wors tot medium gaar en sy in wieletjies na dit afgekoel het.

Braai nou die vleis blokkies in dieslfde sous met nog ‘n biejie olyf olie tot dit medium gaar is.

Voeg speserye van jou keuse by met swart en wit pepper en ‘n klein bietjie sout. Sprinkel bietjie Worchestershire sous of Soya sous by en roer gedurig.

Die songedroogte tamaties kan nou bygevoeg word, maar dit is opsioneel.

Voeg nou die Welligntons Steak House sous by en roer liggies duer op matige hitte.

Nou vir die geheim, meng die sous poeier met die room/melk en voeg by terwyl jy ligies roer.

Prut stadig vir 5 minute en roer liggies deur, die sousie moet nou al effe dikkerig word en verwyder dan van die hitte en hou eenkant.

Rol nou die skilferkors deeg uit, groot genoeg vir jou oond vaste bak(twee liter oondvaste glasbak is groot genoeg,  of jou platboom ysterpot se bodem en kante, hang af waar jy hom gaan gaar maak. (Die pastei kan op matige kole ook gebak word met ‘n paar kloe op die platboom ysterpot se deksel)

Spuit jou bak of pot eersgoed met Spray’n Cook of smeer goed met botter. Voeg nou jou mengsel egalig by, skud hom bietjie sodat die sousie mooi deur trek.

Rol nog ‘n stuk deeg uit vir die bokant en plaas dit bo-op die mengsel en druk dit teen die kante vas met ‘n vurk om mooi  te seel.

Meng ‘n kwart koppie melk met een eier, klits goed en smeer met ‘n kwassie boo-oor die hele pastei – die pastei moet goed bedek wees met die mengsel.

Plaas in die oond/matige vuur en bak vir 30 -45 minute en bedien met rys en of mengelslaai.

GENIET HOM!

Vir julle wat wel lief is vir niertjies, kook jou gekapte niertjies tot lekker sag en voeg dit by in die plek van die wors of saam met die wors!!  Dit behoort heerlik te smaak!

GESEENDE FEESTYD VIR JULLE!