Beste potbrood ooit

Hierdie een val in almal se smaak.

Jy kan of jou eie deeg aanmekaar slaan of soos ek, kry sommer van die klaar gemaakte deeg by spar of checkers. Nadat jou vuur uitgebrand het en die braaierey begin trek jy die swart pot nader. Ek gebruik 'n plat boom pot vir die een. Smeer hom binne met olyf olie, maar net 'n dun lagie. Maak dan jou deeg in bolletjies soos wat jy sal maak as jy beskuit bak. En sit die bolletjies teen mekaar op die bodem van die pot. Wanneer dit gedoen is strooi jy so twee eetlepels bruin suiker oor die deeg.

Daarna gooi jy 1 hourtjie room oor die spulletjie uit en gee hom gas... net 'n klien bietjie. Ons wil nou nie he die storie moet swart brand buite en rou wees binne nie. Sit die pot op die kole en sit 'n paar kole op sy deksel ook dat hy van bo af ook hitte kry. Hou hom maar dop. Kry dan vir jou 'n stokkie of 'n ding want so voor die deeg die deksel raak moet jy begin kyk of die mcguyver al gaar is binne. Ek gebruik sommer 'n sosatie stok. Druk hom in die brood in, as jy dit uit trek en daar klou nog deeg vas moet hy nog staan. As die stok skoon uitkom dan is die brood gaar binne.

Nou vir die afwerking. Net voor die storie reg is gooi dan weer so een of twee eetlepels bruin suiker bo oor. Dit maak dat hy so mooi blink as hy uit kom.

Die mense gaan hulle vinges af eet.