Appeltizer Varktjops met Macoroni en kaas.

Ek het bogenoemde dis voorberei in die week en wil dit graag met julle deel.

Bestanddele:

Jy benodig 'n paar lekker varktjopies, nie te veel vet nie.

750ml Appeltizer

'n Botteltjie English hot mustard (pasta)

hoender sperye, sout en pepper

Koekmeel en

Bruinsuiker

So maak mens:

Smeer die tjops met die mosterd, een kant op 'n slag.

Gooi speserye, sout en pepper oor na smaak.

Besprinkel met bruin suiker - bedek die vleis redelik goed.

Strooi nou bietjie meel oor.

Gooi bietjie Appeltizer in 'n oondvastebak sodat die bodem goed bedek is. strooi bruin suiker en meel in die appeltizer en plaas gesmeerde kant van die tjops in die bak.

Doen dieselfde as wat jy aan die ander kante gedoen het en bedek met die res van die Appeltizer - sorg dat daar genoeg meel en suiker op die bolaag is.

Plaas in die oond teen 200 grade Celcius en bak vir 'n uur of wat - roer en draai gereeld die mengsel en sorg dat dit nie te dik word nie - ek gooi bietjie warm water by om dit te verdun. Die sousie moet net lekker stroperig wees.

Bak todat die tjops lekker begin bruin word aan beide kante.

Macoroni en Kaas gebak ;

Kook so drie tot vier koppies macoroni op tot gaar.

Rasper kaas, so vyf koppies.

Klits drie eiers saam met 'n koppie melk en gooi sout en pepper in na smaak. Voeg ook twee teelepels droe mosterd poeier by en meng goed - helfte van die kaas moet ook bygemeng word - ek gebruik sommer die stick blender om dit te doen.

Smeer 'n oond vaste bak lekker dik met botter en sit die gaar macoroni daarin. Gooi nou jou eier en kaas mengsel bo-oor en werk goed deur! Sprinkel die res van die kaas bo-oor.

Plaas in oond teen 200 grade celcius vir 45 minute - ek bak die tjops en macoron i sommer saam.

Gemengde groente:

Maak drie tot vier koppies gemende greonte met botter, sout en pepper en as jy het, groente spice in die microgolf oond gaar vir so 10 minute.

Bedien alles saam en maak seker jy skep van daai lekker langsous van die vark oor jou macoroni en geniet!!

So lyk die tjops as dit klaar voorbery is - die meel en suiker moet nog oor kom.

Eerste omdraai slag na 20 minute in die oond.

So lyk dit as dit gaar is en reg vir bedien.

En hier is die finale produk - skep en geniet!!

Hierdie gereg kan in 'n Webber ook gedoen word!