Klein Paradys Spitbraai Bestellings.

Willie, shame, ek voel so sleg omdat die anner ouens jou nie wil ondersteun nie, ek sit sommer my naam oppie lys!!!! al gaan ek nie!!!! Sulke ondankbare blikskottels, laat hulle vir hulle self sorg!!!! Ek moet sê: STERKTE!!!!!

Oubaas, waar val jy met die oenners uit!!!!

Altyd egte kampgroete (ongelukkig nie by Klein Paradys nie)

Frans

Willie,

Sit vir my ook 2 volwases op die lys.

Sit vir ek en Millie ook op. Terloops, wat is skaapvleis??? Ken net van mince en hoener

  Ek gaan ook nie die einde van daai storie hoor nie!!!! Julle was ook maar lekker jaloers op my skaapbeentjie.

Yip, vlakvarkie. Ek pleit Alsheimer!!!

Lyk my ons gaan maar elke ou sy eie Bloubul steak braai met 'n braaibroodjie. Willem ek dink jou fancy vleis sonder bene en goed se kostes is bietjie hoog.

Al ooit gehoor van die gesegde "keep it simple stupid"

Skaap, spit en almal bring sommer ietsie self saam vir slaai, brood ens.

Ek weet Willemien, maar met daai 6 tot 8 skaap tjoppies kan jy vir 3-4 mense kos gee vir R80 en dan so paar bykosse bysit. Die probleem is ouens wat nou met kinders ens kom gaan nou moet begin R320 tot R400 betaal net vir die ete. Dit is amper wat die naweek kamp hulle kos. EN ons gaan mos kamp en nie Spur toe nie.

Dit is net 'n voorstel. Mense dink mos nie altyd wat kos die bykosse nie. Om slaai ens te maak kos al net so duur. So vang hulle met sielkunde. As jy kan by 'n prys uitkom vir hier by die R40/kop net vir die vleis en almal bring iets saam, dan dink hulle nie aan die geld wat spandeer is op die slaai en ander goedjies nie. Mense se kope werk snaaks. Hulle vergeet van die R30 - R40 wat die sak charcoal en Blits gaan kos vir hulle braai.

Maar R80 per kop(250g vleis) teen minimum van 80 mense begin klink of iemand geld maak iewers.

 Jislaaik manne, jul het duur skaapvleis daar in die noorde! Hier by ons gaan ons ook spitbraai hou tydens ons Saamtrek by Van Zylsrus. Koste beloop R60 / kop en ons het huidiglik 40 persone wat deel in daai lam. Ons beplan om die vleis na die gaarmaak proses op te saag. Bg. koste sluit brood en slaaie in. Die spit gaan tydens die Leeus / Bulle wedstryd sy ding doen en na die wedstryd sal ons almal nasionale Braaidag vier. Die oord lê binne 10km van die meeste kampers se huise, so dit wat hulle bespaar op brandstof word op die Spit kostes gespandeer. 

Sterkte met die beplanning!

Willie

Ek weet ek kamp nie saam daai naweek nie, en mag nie eiers hier lê nie, maar ek voel tog ek wil so bietjie raad gee.

Ek doen gereeld spitbraaie op aanvraag en het darem so bietjie ondervinding daarvan. R70/kg vir ontbeende vleis klink vir my na 'n redelike prys en ek sien nie regtig 'n probleem daarmee nie. Ek dink net daai slagter mislei jou bietjie met die gewig wat jy nodig het. As 'n reël werk ek altyd op so om en by 500g rou gewig per persoon (met been in). As mens dan reken dat min of meer 30% van daai gewig been is, sou ek sê dat jy op minstens 350g onbeende gewig per persoon moet werk. Onthou daai vleis verloor redelik baie gewig agv vog verlies in die braai proses en teen die tyd dat die vleis gaar is verloor jy na alle waarskynlikheid nog so 15% - 20% van die gewig. Sodra jy dus met minder as die 500g waarvan ek vroeër gepraat het begin speel moet jy in elk geval iets soos wors of kaasworsies of iets dergliks bysit en dan kon jy maar netsowel van die begin af meer skaapvleis gaar gemak het.

Wat die bykosse betref het ondervinding my geleer om dit so eenvoudig as moonlik te hou. Die fokus is tog op die spitbraai en bitter min mense (veral die mans) sal met 'n bord bykosse gaan sit en eet. Gewoonlik gee ek slegs pap en sous en verder bak ek 'n klompie potbrode en gee konfyt saam met dit. Diegene wat dan 'n groenslaai wil byhê kan dit maar self voorsien. Soos vroeër genoem sou ek ook sê dat julle slegs die vleis en miskien dan pap en sous of potbrode moet voorsien. Elke gesin kan dan mos maar 'n bykos van hulle keuse bring en julle kan dit op n gesamentlike tafel plaas waar elken homself kan help. (Jy sal sien die helfte darvan gaan in elk geval mors).

Persoonlik dink ek die prys van R80 per persoon is 'n bietjie styf en jy kan waarskynlik meer vleis voorsien en dit steeds teen so R50 - R60 per kop aanbied as jy op die bykosse afskaal.

Die bogenoemde is maar net wat ondervinding my geleer het, en ek wil glad nie vir julle voorskryf nie.

Willie

Ek hoor wat jy sê ivm met die berekening van die vleis se gewig en as dit 'n aansit ete is met al die ander deftige dinge daarby, stem ek saam dat jy waarskynlik sal wegkom met 250g vleis. In hierdie geval moet jy egter onhou al die "gaste" is heeldag in die buitelig (wat 'n mens gewoonlik so bietjie hongerder maak) en dat al die mans waarskynlik heeldag saam met jou om daai spit gaan kuier en hulle gaan uitgehonger raak vir daai vleis. Kom ek vra so, as jy skaap tjops of steak braai vir aandete en jou worsie saam met dit, het jy al bietjie mooi gaan kyk wat weeg al daai vleis? Ek kan jou waarborg dat die vleis (rou gewig) vir 'n gesin van 4 heelwat meer as 'n kilogram gaan wees.

Weereens, is dit maar net my beskeie mening, maar ek het altyd maar die geneigdheid om eerder te veel te hê eerder as wat een persoon na my toe moet kom en vra vir nog en ek moet hom met leë hande terug stuur.

Willem, ek dink tog almal waardeer jou inset en ek self prys jou daarvoor.

Net my 2c. Ek het al geleer met kampe en veral die Koppivane kampe soos die een wat volgende naweek is. Maak dit eenvoudig vir elke persoon en laat elke persoon vrye teels kry. Die Wegsleep Koppisol naweek het baie van my tyd gevat maar tog was dit lekker. Niemand moes nou dit of dat en elk het lekker by die atmosfeer ingeskakel. Die tema vir die Kopivane naweek is "Back to School" en jy sorg vir jou eie skool klere en kos en drinkgoed. Al wat ons as kommitee doen is om te sorg vir vure, saal en musiek.

Ek het lank gelede aan 'n klub behoort en 9:00 MOET jy dit doen en 11:00 moet jy dat doen. Werk nie vir my nie en ek dink vir die meeste ouens. Koos brag met 'n groter steak as Piet en Gert het 'n stukkende bak vir vleis. Nee wat.

Maar terug by die punt:

Weereens, jy het 'n blink plan maar ek dink die meeste ouens wil maar hulle eie ding doen.--- Ek dink! Onthou dat die naweek kort is en ek dink jy wil ook vry wees. Die spit storie gaan jou baie besig hou en sodoende gaan jy die dans mis. Sien jou daar.