Sleep in die geel streep

Geel streep ry se ma. ek ry op die ryvlak teen so 100kmph en die ou agter kan sy beurt afwag, hy het nie alleen reg op die pad nie. Dit is ook geen reg om 'n pad te ry nie dit is 'n voorreg. Jy kry ouens wat jou probeer afdruk of voor jou inswaai vat sy nommer en raporteer hom vir nalatige bestuur, hulle trap gou terug en kry maniere.

Groete

Ja nee, geel streep ry se g#t!

Ek het dit al baie gedoen, maar doen dit glad nie meer nie. Party mense wil net verby en gee nie n dem om oor die feit dat jy nou moet terugkom nie! Ek ondervind ook die geel streep vol baie van die klein los klippe en gewoonlik waar jy pap wielle kry.

Die manne wat so jaag met die karavane moet net eenkeer van die pad gegooi word deur sy karavaan wat begin fishtale, dan sal hulle wakker word en besef hoe gevaarlik dit is. Ek was ook een van daai slimmes wat teen 120 km/h gesleep het totdat ek in n sloot langs die pad beland het, duisende rande se skade, gelukkig ons niks oorgekom nie.

My sleep spoed is so 85-90 Km/h, die ou agter moet maar sy beurt afwag tot dit veilig is en verby kom.

Ek dink hulle moet dit wetgewing maak, dat as jy karavaan sleep, maksimum spoed 100 km/h mag wees. For what its worth!

Geel streep is sover ek weet mos in elk geval taboe, dis mos n nood baan nie waar nie?

Ek het 'n eenvoudige argument hieroor:

Ek ry nie in die geelstreep nie, maar ek sal vir iemand plek maak mits ek voel dit is veilig. Ek sal dit slegs doen as ek goeie visie het en ver genoeg voor my kan sien.

Dit sal ook nie gebeur as die ou agter my op my sterre ry nie, want dan moet hy warm plek toe vlieg. Ek doen dit as 'n vergunning om die pad vir almal 'n veiliger plek te maak, so daarom sal ek die terme bepaal...

Ek weier om in die geel streep te ry om dieselfde redes as wat jy het Jan.

Daar is gate en baie gemors in die area van alles wat van die pad af gery word. Jou kanse is baie goed om 'n pap wiel te kry met die geelstreep ryery. Ek sleep ook so teen 100/110 en het ook reg op die pad soos enige ander verbruiker.

As die ouens wat verby kom my aangluur of selfs tekens wys, blaas ek gewoonlik vir hom of haar 'n soentjie op my hand, dit verander hul luim gou gou .

Groetnis

Ek voel dieselfde, geelstreep ry kan baie gevaarlik wees, veral as jy nie vêr genoeg vooruit kan sien nie. Gereeld as ons ry en net oor 'n bultjie is, staan iemand stil in die geelstreep. Vir my is dit taboe en sal slegs plek maak vir iemand as dit veilig is. My man sleep ook nie sommer meer as 100km/pu nie.

Toe ek nog gesleep het het ek ook nie anderkant die geel streep gery nie. Huidiglik is ek baie rustig agter die stuur van die bakkie en bly op die ry oppervlak. Ek ry so 110 km/ph en steur my nie aan die ou wat agter my karring nie. Hy moet maar rustig raak en ek sal nie eers na sy kant toe kyk as hy wil tekens wys nie.

Dieselfde geld vir spoedgrense. Die teken sê 60, dan ry ek 60. Jaag jy my aan is dit ek wat die boete moet betaal. So, kom verby as jy wil, of bly agter my.

Loopvlakke van groot voertuie se bande wat afkom, lê gewoonlik op daardie stuk van die pad. 'n Vriend van my het een middag laat oor so 'n stuk band gery, met sy kar en karavaan. Julle wil nie weet wat die skade was nie! Ek het nog nooit weer daar gery nie. Dia haastige manne moet maar wag tot hulle kans kry om verby te gaan.

Groete

Groete

Hein

Hier is die betrokke wetgewing: Insiggewend die kwessie dat saans geenins in die geelstreep gery mag word nie. Daai 150 meter is vir ook heeltemal te kort

In die nag sal ek definitief nie doen nie.
 

dagse mense

die geel lyn sleep storie is uit ek sleep glad nie op die geel lyn nie dit is volgens my n noodbaan vir nood voertuie in spits verkeer jy as sleper het net soveel reg as die persoon wat wil verby jaag as hy op jou alie ry doen die volgende trap liggies rem en verminder spoed die padvark sal gou verbykom met tekens en handsyne groet hom vriendelik en ry verder dit werk elke keer vir my

kampgroete

ben

So hoe weet julle manne die ou agter jou het nie dalk 'n noodgeval nie?

Ek dog ek vra maar net...

Ek sou reken, 'n man met 'n noodgeval sal darem ten minste sy noodligte en hoofligte aansit. Meeste mens sluip so saggies nader tot hy net hier onder 'n man se trekstang sit, en dwing jou dan op 'n baie subtiele manier om pad te gee.

Ek het al die geval gehad, waar mense my in die nag, aan die linkerkant, in die geel streep, verby gegaan het terwyl die aankomende baan geen verkeer gehad het nie. Daar was wel 'n sperstreep.

Sleep met `n Territory ST, dan dam jy agter die karre op! :-)