Onrus in die Kampeerterrein.

Hi Willie,

Mmmm - ek dink die moeilike vraag is waar is die grense?

Kleingoed het ook seker 'n reg om hulself uit te leef in die kampplek en die buitelewe te geniet? Dis juis hoekom ek kamp en nie in hotelle of chalets tuisgaan nie. En weet jy hoe opgewonde raak my 2 jarige om "te gaan kamp"?

Die skopfiets is 'n wonderlike ding. Die kleingoed kom maklik oor die weg daarmee, veral as hulle nog te klein is vir klein trapfietsies. Die goed pak ook redelik maklik.

Ek is self nie mal oor geraas nie, maar kan baie langer na kinders se "speel lawaai" luister, as die buurman so 4 staanplekke verder se nuwe Juanita du Plessis CD wat uit sy kar blaker.  

Ek dink 'n fyn balans is nodig. Nie dat mens ook heeldag met 'n nat broek wil rondloop en kyk waaroor jy alles kan kla nie. Ek het so 'n buurvrou by die huis - sit en wag net vir die minste om oor te kan kom kla...

Groete,
Jacques

'n Wêreld sonder kinders sal 'n dooie wêreld wees. Kinders (kleuters tot tieners) is van nature vrolike, kommervrye wesens en leef voluit in teenstelling met ons volwassenes wat  gereguleerd, korrek en konsidererend teenoor ander optree.  Kinders dink nie aan afgebakende kampeerstaanplekke nie, ook nie aan die lawaai wat 'n skopfietsie se wiele maak nie.

'n Kalm, gebalanseede houding van albei partye is nodig om "onrus" 'n bietjie te laat bedaar, maar as dit onhoudbaar vir 'n kampeerder is, moet hy eerder kampplekke besoek wat minder kinder-vriendelik is en tydens tye wat meer rustig is.

Op 'n ligter noot, hier is 'n besigheidsgeleentheid !  Ontwerp 'n rubber-oortreksel vir skopfietsies se lawaai-wiele wat al langer as 30 jaar 'n deel van elke denkbare kampterrein is.

Len

Ek het een aand die vakansie so paar jongelinge daar in die kamptrein vasgevat. Soos hulle verby die karevane loop klap hulle met hulle hande teen die karevane. Nou die een aand het boetman 'n moeilike dag geahd en toe ons hom eindelaas aan die slaap het, kom die klompie so klap klap verby die karevane en daar is boeta wakker.

Ek het dood luiters na hulle staanplek toe geloop waar hulle ouers gesit en kuier het en daar voor hulle vir die jong klomp gesê as hulle nou eenkeer weer teen ons karevaan kom klap maak hulle my kind stil....

Die ouers het plegtig om verskoning gevra en die res van die tyd het die klomp kinders wye draaie om my geloop.

En hoeveel mense het boetman gepla met sy gehuil na sy moeilike dag?

Die Skop Skoeters - Die goed en presies dieslefde swart model is vir 'n leeftyd al beskikbaar. In ons jonger dae toe ons in 'n woonstel gebly het in Sunnyside Pretoria het die mense ook gekla, die antwword was toe eenvoudig plak so paar lae "masking tape" op die omtrek van die wiele en hulle was 90% stiller !

Die kinders wat skree op mekaar - Daar is maar rang orders in 'n familie dat die boeties en sussies mekaar bietjie "uitsort", ek stem saam dit kan vir lank aanhou nie.

Tieners - Het ook van hulle en weet van hulle vriende wat hulle maak op kampe, jy gaan hulle nie voor 10H00 in die tent kry nie, en as hulle daar is sal hulle by 10H05 by die vensters agter uitklim. Ek het al die tent se "zips' met "cable ties" vas gemaak dit het gewerk vir een kamp.

Fietse in 'n oord is vir my weer 'n nagmerrie, die kinders jaag mat die goed en het geen respek vir mense wat loop nie. Ek het al gesien hoe so outjie by 'n t-aansluiting kennis maak met 'n woonwa wat besig was om die oord binne te kom.

Groete

Hentie

Shaun, Willie het gesê dis reg so van 5:30 af soggens...  

Hi Cheetah

Ek hoor wat jy sê maar hoe sê mens vir 'n 2 jarige hy mag nie 06:30 in die oggend met sy skopfiets ry nie? Hy kan nog nie lekker verstaan hoekom dit die ander mense pla nie al verduidelik 'n mens hoe hard.

En as hy nie wil luister nie en jy gee hom 'n pakslae dan skreeu dit weer 06:30 in die oddend waaroor die bure ook gaan kla want dan is jy weer die sleg jong ouers wat nie weet hoe om kinders groot te maak nie want hulle kinders het mos nooit as baba's gehuil nie en hulle kinders het dit nooit gewaag om so iets te doen en het mos altyd geluister van 2 maande af as jy vir hulle nee gesê het.

Die bure moet dan maar kies of 'n gehuil na die pakslae of die geraas wat die wiele maak op die paaie.

Kom ons wees maar eerlik, die geraas wat die fiets maak is juis die rede hoekom die kinders die fietse so geniet. Hoe vinniger hoe meer geraas hoe meer fun

Shaun, dit is nou presies. As die ou langs jou sy diesel start voor 6 in die oggend om te gaan diere kyk, dan is daar geen probleem nie. Maar jou kind mag nie speel nie. As die ou langs jou kuier en hard lag en gesels tot 10 uur in die aand, dan is dit reg, maar jou kind mag nie op sy fietsie ry nie.

As jy lig slaap en nie hou van skopfietse of ander geluide van bure nie, gaan bespreek vir jou 'n chalet.. As dit nie vir kinders was wat kamp geniet het nie, was daar 80% minder kampers en die bedryf kon maar toemaak.

Ek stem want ons kamp omdat ons daarmee groot geword het en as jy dit onaangenaam vir jou kinders maak gaan hulle belangstelling verloor, want die buite lewe wat vir hulle bietjie meer vryheid verskaf,het nou ewe skielik meer reëls as iets anders.

Die ou wat so vroeg gaan diere kyk kan ook maar seker sy trok stoot tot by 'n gedeelte in die park waar dit nie die ander kampeerders sal pla as die ding eendag vat en die bolle rook begin spoeg.

Spiderman,

Maak soos ek drink meer dan sal dit jounie pla nie.

Ons leef nou een maal in 'n tyd wat mense verskil en "ander mense" goed doen wat ons ontstel omdat hulle dit nie so doen soos ons dit sou doen nie. Met baie kampe waar ek al gekamp het het daar al mense iets gedoen wat pla. Ek probeer dit maar verduur. Daar is vele dinge wat ek dink totaal onaanvaarbaar en ongeskik is, dan kry ek mense wat daaroor skouers optrek en my aangaap of ek nie reg in my kop is omdat ek dit kritiseer.

Ek sal beslis harde musiek gaan aanspreek, maar hoe vertel jy 'n ouer dat sy/haar kind se geskree nou lastig raak? Wanneer 'n kamp vol is verduur jy maar die pyne, en bederf jouself met 'n kamp wanner die skole weer begin het waar dit stil en rustig is.

Jammer vir julle oor die skopfietsies. Ek was vir jare met die goed geterroriseer. Nou is dit my beurt om vir my kleinkinders van die goed te koop en ander ouens te terroriseer. -(SiekGrap)

Willewilemien, ons kamp nie meer waar die "gesinsmanne" kamp nie en gaan maar na die meer afgelee plekke vir presies dieselfde redes as wat jy noem wat jou irriteer. Ek kan 'n paar ander by die lys sit - Die een ding wat my geweldig irriteer is as die ou langsaan of oorkant so baie ligte aan het dit lyk of die son besig is om op te kom.

Dis so erg dat ons nie maklik vir meer as een aand op 'n keer betaal nie.

PS. Toe ons nog kinders in die huis gehad het, het hulle altyd van die Knorpot Omies gepraat en ek dink ons kom naby