Musiek by Willows in P.E.

Weet jy my vriend? Dit is Willows se probleem.

Wat dink jy gaan gebeur indien so-iets 'n permanente storie word. Wed jou Willows gaan hekke toemaak.

By Knysna speel dieselfde situasie hom af, maar op 'n baie beperkte skaal en darem net mense wat op piekniekplekke kuier, maar ook goed lawaai opskop.

Die gemeenskap rondom die piekniekplekke, waarvan Woodbourne Resort een is, het met die plaaslike bevolking 'n ooreenkoms aangegaan. Die geraas mag net tot 8 uur die aand aanhou, waarna die polisie en verkeerspolisie dan mense verwyder wat nie self wil padgee nie.

Dit werk soos 'n bom.

Ek dink jy moet die sakie maar ernstig met die oord opneem. Jy is heelwaarskynlik nie die eerste kampeerder wat daardie ervaring daar gehad het nie.

So, was dit dan net 'n enkele verskynsel? Hoop so? Anders sal hulle nie meer so populêr bly nie.

Jacques, dit het al 2 keer met ons gebeur.  Maar dit is nie die kroegie wat tussen die bosse sit oorkant die ingang na Willows nie.  Verder op, na Schoenmakerskop se rigting, sit daar teen die bult 'n saaltjie.  Die saaltjie word af en toe uitverhuur vir privaat funksies.  Albei kere wat dit met ons gebeur het, was dit kleurlinge wat troues daar gehou het.  Die een klomp het tot 6 uur die oggend geraas, gesing en harde musiek gemaak.  Jy kon behoortlik hoor die hele lot is gekoring.   Jy hoor dit net vanaf die algemene kamp, nie vanaf die privaatstaanplekke nie.  Die kroegie (Munkee Bizniz) kry nie regtig baie besoekers nie en maak nie harde musiek nie.  Dan moet ek darem se, ons kamp al vir jare omtrent 6 keer per jaar by Willows, en soos ek se, ons het dit 2 keer ondervind.