Kamp met n tent

Tweetie - Soos jy se man, kamp moet 'n man kamp. Jy laat my so ver terug dink. Ek en my kampmaat kamp al vir die afgelope 52 jaar en ek belowe jou min van daardie jare was met 'n karavaan. So plus minus 8 jaar gelede het ons niks gehad nie(kampgoeters) maar wel 'n week wat ons kon wegkom en 'n oneindige verlange na die weskus.

So weg is ons. In die mazda se bak was 'n paar stukkies klere, twee slaapsakke, 'n koelhouer, die nodige mes en vurk bord en beker en ketel, gasbottel met 'n kookplaat. Die tent was een van die ronde tentjies wat jy aan 'n ring optel en daar staan die tent. Twee opvou matrassies het die kampgereedskap voltooi.

Van Bethal af het ons by Lambertsbaai gaan draai en my ou maat se nou nog dit is die lekkerste vakansie wat ons nog gehad het.

Vir wat dit ookal vir jou mag beteken; ons ondervinding was nog altyd dat om so vooraf by die huis te beplan vir alles wat nodig is om die lewe makliker  te maak gedurende die kamptyd beteken net  dat  jy 'n oneindige klomp onnodige goed gaan koop(en platsak wees) en as jy die groot tent met al daardie goed opgeslaan en reggepak het is jou vakansie verby.

My raad is kyk eerste na die heel basiese dinge soos die tent, slaapsakke/matrasse, lig vir die aande, 'n tafeltjie of twee, kook/braai gereedskap. Maakself die basiese lysie vol.

Gaan kamp dan vir 'n naweek. Gaan deur al die aksies en besluit dan self wat is werklik nodig. My gevoel is nog altyd as jy dan omtrent die hele huis wil saamneem om "gemaklik" te wees, is dit miskien dan beter by die huis en jy spaar nog 'n klomp geld. Glo my, die kinders waardeer die bietjie gesukkel want dan eers word dit 'n groot avontuur.

Selfs daardie duur yskas is maar net luxury. Baie jare gelede het ons met 'n tent by Hibberdene gekamp sonder n koelhouer(was nog nie beskikbaar nie). Ek het die park se vullisblik geneem. 'n Gat langs die tent gegrawe en die houer daarin staan gemaak en die sand opgevul. Die bier en koeldrank was heerlik koel . Die sand rondom die blik het ek klam gehou.

Ons paar stukkies vleis word nog altyd "ge vcuum pack" en hou tot 8 dae.

Moenie die avontuur uit kampering neem nie!!!!!!!

Sterkte en kampgroete

Ek moet se ek en my vrouis dit eens dat ons van die lekkerste kampe in ons lewe met net n' tentjie getoer het.

Het al baie karavane gehad, maar tans geniet ons die "Boomhuis" Sleepwa met die daktent.

Die gemaklikste kampding bly maar die karavaan, maar die stoorplek is nie altyd so vrylik beskikbaar nie, ons verhuis relatief baie...

Tweetie, eerstens, kamp is kamp, en as jy nog 'n tent het om mee te kamp is dit klaar 'n luuksheid, hoe nader aan die natuur hoe beter. Die Turbo Tent soos wat Nico Petersen se fotos wys is van die beste wat jy kry, die hooftent en raam vou saam op, en die opslaan en afslaan vat minute. Die afdak van die Turbo tent kan jy kry met 'n oopvou kant wat soos 'n dak oor jou sleepwa kan oopvou, dan kan jy onder die afdak in jou sleepwa goed uithaal. Maar as jy wil die gazebo aanlas, nog beter, dit raak net naderhand baie sakke tente om te laai.

So ver die slaap aangaan, ek het by die Landmark winkel van Agrinet in Samrand opvou beddens gekry, hulle is so half ovaal vormig met rekke reg rondom tussen die mat en die raam. Dis nie grootpraat nie, die goed slaap soos 'n gewone matras, en het ses bene waarvan elkeen onafhanklik hoogte gestel kan word vir ongelyke grond.

Dis net ek en my seun wat kamp, so ek gebruik net 'n Thermo koelkas, vries die kos voor ek dit inpak, en drie dae later is party goed nog gevries. Ek laat hom sommer onder die afdak op die skadunet staan wat ek voor die tyd op die grond gooi. En nog iets, 'n 'karavaan' grondseil kos baie meer as 'n groot stuk yl skadunet, doen dieselfde doel, en jou tent se onderkant is skoon wanneer jy kamp opslaan, en jou afdak het 'n 'vloer'.

Geniet die ware kamp.

Spiderman ek weet van die gras storie, maar by 'n hardeware plek is dieselfde digtheid skadunet as 'n kampwinkel se 'gronseil' teen 'n derde van die prys beskikbaar, en dit vir dieselfde min skade aan die gras ( Kan mens tent opslaan op 'n grasperk kamp noem ? ) Ek het ook bv 'n tuin skoonmaak oopwip vullisblik vir R30 by 'n tuinwinkel gekry, by 'n kampwinkel kos dit ook drie maal soveel.

Die meeste plesier wat ek in kampe sien is gesamentlike tente om 'n gazebo uit 'n sleepwa gepak, die meeste huismoles wat ek eenkeer gesien het is die ure wat dit neem om een ingewikkelde bos sleepwa opgeslaan te kry.

Hans,

Wat is die prys?

Hi Wimpie, dit is 'n Bushtec Villa van 3 x 3 m. Ek het R 5500 betaal. As ek R3500 kry kan hy gaan.

Groete

Hans.

Jammer oor dit maar foto wil nie eerste keer gelaai het nie.Maar so lyk my ou bedryfie en dit werk lekker.Het al vir drie weke gekamp by die see.

Tweetie, Agrinet Samrand se nommer 012 6572000, (agrinet.co.za kies outdoor), die bed word Kaufmann genoem, 'n staal en aluminium model. Dit verbaas my ook dat ek sien hulle LandMark agentskap winkels kom nie op Google nie, maar hier is die adres landmarkretail.co.za

Laat weet as jy meer inligting soek.

Ons is ook tentkampers. Ons is van karavaan na boswa na tent na rooftop.

My persoonlike opinie is dat ek sleep nou niks. Met laaie agterin die bakkie, yskas en microgolf waar die agtersitplek was pak ek niks en laai ek niks af nie. Kamp opslaan is die rooftop en die gazebo wat so 15 min neem en dan knak ons 'n koue.

In die laaie agter in die bak (loop op spore) is al die kos, klere, potte en,panne.

Ek moet darm byvoeg dat die bakkie net gebruik word vir vakansies so ons vul aan as ons klaar gekamp het. Die kampklere en badkamer goed bly in gelaai want ons het ander in die huis wat ons daar gebruik. Voor 'n naweek sit ek die yskas aan en laai die koue goed en daar gaat ons.

Ek het net gevind dat nou kan ek ry waar ek wil sonder om iets saam te sleep. Ek neem net saam wat gebruik word en die onnodige goed los ons by die huis. Grondpad skrik ons ook nie af nie.

Ek het my Turbo ook by O W gekoop, al gesien onder verskillende handelsname. Die een met die afdak en sykante omtrent R6000.00, en dit werd.

turbotent.com/turbotent/home.html?comply

Spesiale kenmerke, tentlyne word on 'n sakkie gerol wat die tent met die lyn verbind, klein ritsluiter opening en lissies vir die lig se kragdraad, tent en raam vou saam op in een bondel, ens.

Ek het eerste week van die jaar in Noordwes drie nagte agtermekaar hewige donderstorms sonder stormtoue of probleem oorleef.

Hier is Outdoor Warehouse se huidige aanbieding wat naastenby soos myne is, dalk bietjie beter as myne , want myne het net afdak voor gehad - ek het self die twee sykante (skadunet) aangesit :

http://www.outdoorwarehouse.co.za/natural-instincts-turbo-300-supreme-6-person-ripstop-polyester-tent.html

Ek het vir myne in Februarie 2008 R4600 betaal. Ek dink die R5500 wat hul nou vra is nie te sleg nie. Onthou net - die tent is nie lig nie, dis goeie kwaliteit seil (ripstop) en dit vou (behalwe vir die voorste deel) saam met die pale op.

Groete - Nico