S14: Wie gaan dit wees?

Cheetah,

Oooooops

Wel manne, as ek net gestraand na die Bulle se game gekyk het is daar geen twyfel dat die Super 14 in Loftus hoort nie.  Moet sê dat ek sien nogal uit na die Lions en Stormers game vandag en self om te sien wat kan die Sharks maak teen die Brumbies.

Al wat ek rerig wou sê....

Ek skreeu nie WP nie, ek bly `n bul!

Morne ek dink twee spanne is meer realisties:  Bulls A  en  Bulls B.
Ek dink die twee spanne gaan ook in die finaal op Loftus speel!

 kan ma net die bulls wees

Sal maar sien wat van my span gaan word dit is nog baie vroeg in die seisoen, laasjaar het die sharks soos blits uit die peilvlak gevlieg net om te gaan staan !!, hierdie jaar ? wie weet ? moet hulle nie afskryf nie, dit sal nie wys wees nie. Bulle lyk goed, Stormers storm net en nie baie gebeur nie. ek hoop hulle doen goed, hoe meer van ons spanne wen hoe beter vir ons almal.

janwillem

BULLS!!!!!!!!

Kyk ek is self 'n GROOT Bulls ondersteuner. Maar soos hierbo genoem, dis nog maar vroeg.

Ons sal maar eers moet wag totdat die Bulls hierdie naweek die Brumbies aandurf, Die stormers het net so 'n moeilike een teen die Waratahs, en heel moontlik gaan die Cheetahs die daai haai se tanne trek hierdie naweek. Van die Leeus weet ek nie, want ek dink hulle weet self nie eers wat om van hulle self te verwag nie.

Rugby groete

Daar's net 1 BUL  -  Unbeata"bul"  ..

Op papier is my span (Stormers) die beste maar die probleem is dat hulle op gras speel en nie op papier nie!!

Miskien is dit die jaar van die Sormers maar daar moet egter nog baie water in die see loop.

Pierre,

Net soos julle het elkeen mos die reg om te kan uitsien na 'n nuwe seisoen. Jy praat van die Cheetahs en Stormers as Micky Muis spanne, en ek kry die indruk jy insinueer dat die Bulle "unbtoucheble" is. In my oë is dit uiters arogant en dat dit juis daai aspek van rugbyondersteuners is wat my grief tot in my kleintoontjie in. (Ek verwys hier nie spesefiek na 'n provinsie se ondersteuners nie)

Die Cheetahs het verlede jaar met die Curriebeker "out of nowhere" gekom en gesorg vir 'n gedugte finaal. Die bordjies kon redelik maklik anders verhang geword het in die laaste ronde uitspeelwedstryde wat kon gemaak het dat nie die Cheetahs of die Bulle in die finaal kon speel nie. Ons was vrek gelukkig gewees, maar dit was ook die result van goeie spel aan beide spanne se kant gewees.

Ek dink dis baie jammer dat die hoeveelheid geld wat 'n unie agter hulle het bepaal of hulle die beter spelers kan bekostig, aldan nie.

Pierre,

Jammer as ek 'n lelik oorgekom dit was darem ook nie heeltemal my idee gewees nie.

Dankie Cheetahs! Julle het mooi gespeel!

Ek wil sommer baie geluk sê aan die Bulles en die Stormers met hulle welverdiende oorwinnings gister. Leeus, ek het nie julle game gekyk nie, maar ek hoor dit was nou behoorlike groot rugby gewees. Drie van ons spanne het die week gewen, en ek dink dit is iets om oor trots te wees.

Dries,

Gou nog so 2c oor ons besprekingspunt.  Jou opmerking is in die kol oor die bydraes wat ondersteuners lewer. die ding dink ek is ook baie geografies georienteerd. 

Kom ons gebruik as ilutrasie die Cheetahs en die Bulle. Ek dink ek sou in die kol wees as ek sê dat die meerderheid van 'n span se ondersteuners kom uit sy direkte "afsetgebied", in die geval die Bulle sal dit Pretoria / Johannesburg wees. Geografies is dit soveel makliker vir 20 000 of 30 000 ondersteuners om op 'n Vrydagaand 'n stadion vol te maak want hulle hoef nie ver te ry nie. Verder is daar dan ook van die ander span se ondersteuners wat ook na die game toe kom. Uit 'n Pretoria / Johannesburg, is 30 000 ondersteuners haalbaar vir 'n naweekgame in die middel van die seisoen.

Die Cheetahs aan die ander kant van die ilustrasie is in Bloemfontein, wat fraksie van die groote van Pretoria is. sy ondersteuners word oor 'n veel geografiese gebied versprei. Verder is daai "core onderdteuners" ook versprei in klein dorpies wat in somigge gevalle 200 of meer km weg van Bloem af is. 

Pretoria/Johannesburg is nou maar eenmaal die  besigheids mekka van Suid Afrika, en dis hier waar die baie geld lê. Ek het 'n tyd terug gehoor dat daar blykbaar 'n klompie groot sakemanne is wat almal elke maand finansieel bydra om  te help om van die goeie spelers in Cheetah kamp te hou. Hulle word genoodsaak om dit te doen omdat hulle nie anders met 'n groot unie kan kompeteer nie.

Dries,

Daai bly die Miljoen $ vraag... Rugby het 'n professionele sport geword. Een van die andtwoorde sou wees dat SA rugby in intree. die gevaar is ongelukkig dan nou maar dat hulle dan alles wil gaan transformeer. Nie dat ek heeltemal gekant is daarteen nie, maar ek dink ons moet eers red wat ons nou het en dit weer stabiel en reg kry.

Die ander oplossing om meer borge op nasionale vlak te kry. Vodacom is waarskynlik die een groot sport borg wat ongelooflik baie geld in rugby insteek. Kan dit dalk uitgebry word deur meer van die groot maatskapye te laat borg?

Its gaan defnetief gedoen moet word om kleiner unies "daar" te kan kry, en ook om spelers te motiveer om by sy "tuis" unie te bly en daar sy potensiaal uit te leef.  Springbok keurders gee voorkeur aan die groot unies. Dis vir my verkeerd. As daar 'n groter gelykheid onder unies is sal daar bokke van uit 'n breer spektrum gekies word. Dit sal spelers daar motiveer om beter en harder te speel. Dit maak outomaties dan die deur vir transformasie oop, want dan kry almal kans om op gelyke vlak te speel en te kompiteer.

Dis maar net 'n gedagte of twee. Ek kan jou verseker, dat as ek die anwoord gehad het, ek dit al 'n ryk man sou gewees het.. hehe

Jaco,

Dit sal baie moeilik wees om iets te kry wat vir almal werk en wat regverdig is. Neem nou maar die samestelling van SARFU. Die hordes klein unies; Noordweskaap, Ooskaap en so meer het dieselfde stem as die groot unies; Cheetahs, Bloubulle en so meer. So, op die oomblik is dit al klaar die stert wat die hond swaai.

Dalk moet ons 'n les by sokker leer, waarvolgens jy 'n speler by sy tuisunie koop en die speler n salaris betaal as hy wil oorkom. Dus die Cheetahs kan besluit om vir Juan Smit 'n salaris van R800 000,00 per jaar te betaal en hom te kontrakteer vir drie jaar tot 2012. As die Sharks vir Juan nodig het kan hulle vir Juan sê maar 'n salaris van R1 miljoen aanbied met 'n twee of vyfjaar kontrak en vir die Cheetahs 'n oorplasingsfooi te betaal soos deur die Cheetahs en die Sharks ooreengekom. Die ooreengekome oorplasingsfooi kan sê maar R3 miljoen wees. Dan kry die Cheetahs R3 miljoen vir al die tyd en moeite wat hulle in Juan gesit het of vir die risiko wat hulle geneem het om vir Juan te kontrakteer. Nou kan die Cheetahs miskien 'n ander vlank wat amper so goed is soos Juan is vir R1 miljoen by die Griekwas koop en vir hom 'n salaris van R500 000 'n jaar betaal. Die Cheetahs wen dan R2 miljoen plus R300 000 per jaar. Die Sharks het vir Juan maar dit kos hulle R3 miljoen plus R1 miljoen per jaar. Sou die Cheetahs besluit om nie vir Juan te laat gaan nie is dit natuurlik hulle reg maar dan mis hulle uit op die R3 miljoen of dan R2 miljoen netto wins as hulle die ander speler gekoop het. Op hierdie manier het die tuisunies die eerste reg om hulle spelers wat hulle ontwikkel het te behou mits hulle die speler as belangrik genoeg geag het om vir hom 'n kontrak aan te bied.

As ons dieselfde beginsel op John Smit toepas sou dit as volg werk. Die BULLS wou nie vir John Smit kontrakteer nie so die Sharks het 'n winskoop gekry. As die BULLS nou vir John terug wil hê sal hulle nie net vir John 'n aanloklike aanbod moet maak nie maar ook vir die Sharks. Die stelsel mag dalk beter werk maar is steeds nog nie volmaak nie want anders as wat 'n unie soos die Cheetahs glo ontwikkel die BULLS en die Sharks meer spelers as die Cheetahs. Die voordeel vir die Cheetahs is die BULLS en die Sharks kan nie al daardie spelers wat hulle ontwikkel gebruik en kontrakteer nie so die Cheetahs behoort die ouens goedkoop te kan kry, ontwikkel in fantastiese spelers soos hulle sê hulle doen, en hulle weer terug te verkoop teen groot winste of te behou om die Super 14 of Curriebeker vir hulle te wen. Sodoende sal die speelveld meer gelyk wees, dink ek.

As sy tuisunie die speler aan die begin nie wou kontrakteer nie, hoef jy hulle natuurlik nie te betaal nie. Daar kan 'n reël wees wat sê dat spelers wat alreeds kontrakte gehad het met 'n unie maar dit nie wil verleng nie of as die unie dit nie wil verleng nie, daar steeds 'n oorplasingsfooi moet wees maar hierdie keer 'n vasgestelde oorplasingsfooi van sê maar R1 miljoen. Die geen oorplasingsfooi sou dan net vir spelers geld wat nog nooit 'n kontrak gehad het nie. Op die manier sou die BULLS sê maar 'n oorplasingsfooi van R5 miljoen by die Stormers kon kry vir Bryan Habana as hy nog 'n kontrak met die BULLS gehad het en R1 miljoen as sy kotrak uitgeloop het. Dan het die BULLS darem iets gekry vir die tyd en geld wat hulle in Bryan belê het.

Wat die stelsel sal laat werk is dat die Sharks en die BULLS sal besef dat as daar nie sterk opposisie is nie is daar nie kompetiesie nie en ook nie toeskouers nie. So hulle sal die spelers wat hulle uit eie geledere nie nodig het nie laat gaan. Die BULLS en die Sharks sal dus net tot 'n punt spelers kan behou of koop wat hulle nie nodig het nie.