Meld probleme met die webwerf en die forum hier aan

 Die statistieke het nog altyd die aanlyn gebruikers aangedui as geregistreerde gebruikers en besoekers. Die feit dat die besoekers meer is as waaraan ons gewoond is, se baie vir die nuwe forum. Hulle is almal welkom om aan te sluit en saam te gesels. 

Zigi,

1. Die sterretjie op die woonwa op die forum hoofblad is baie handig, maar ek wil ook weet as daar nuwe kommentare op ‘n draad was wat ek reeds gelees het, en dit kan ek slegs sien deur die forum oop te maak – dan sal ek daar die onderwerpe met sterretjies sien. So my versoek is – As daar op enige onderwerp in daardie forum ‘n sterretjie langs ‘n draad is – maak dan die woonwaentjie ook ‘n sterretjie – nie net vir nuwe onderwerpe (drade) wat ek nog nie gelees het nie. Jy sal dus ‘n woonwa met ‘n sterretjie hê waarnaas daar “1 nuut” kan staan en dan vind jy 3 drade met sterretjies - wat reg is, maar jy kan ook kry dat die sterretjie op die woonwa aan is, maar niks word as nuut getoon nie, dan weet ek daar is nuwe kommentare, maar geen nuwe onderwerpe nie. Genade jong – maak dit sin?
2. Ek sukkel steeds om my profielfoto te wysig, al maak die forum asof hy die nuwe foto aanvaar het en sy grootte gewysig het – die oue bly daar. (Voorheen was die een by my kommentare verskillend van die een op die profiel, maar ek sien hul is darem nou dieselfde.
3. Wie’s aanlyn? – Hierdie gegewens sou ek darem graag die woord Users na Gebruikers wou verander en die Guests na Gaste.
4. Ek merk net 10 name van gebruikers wat aanlyn is word vertoon. Ek vra maar net vir interessantheid – is dit die 10 wat die mees onlangs aktief was, of is die idee dat almal se name daar moet vertoon?
5. Ek het nou nie weer gaan probeer opsoek nie, maar ek neem aan die kwessie van verlore drade, kommentare en foutiewe kommentare op drade is nog uitstaande?
6. As jy ‘n vorige kommentaar van jou redigeer, skuif dit na heel onder by die opmerkings, maar op die forumblad dateer dit nie op dat daar ‘n latere kommentaar was op die draad nie. Of die afskuif moet nie gebeur nie, of die kommentaar moet gemerk word (sê maar in sy hofie naas die tyd (byvoorbeeld) as geredigeerd. Ek sou graag vir die 2de opsie gaan.
7. Ek dink die telling van draad bladsye het ‘n probleem. Kyk na die draad Nuwe Forum en Ek onder kletskamer – daar word getoon dat hy bladsye het 1, 2, 3, maar as jy in die draad ingaan is daar net 2 bladsye.
8. As jy na dieselfde draad in punt 7 genoem gaan kyk, sal jy sien die kommentaarnommers loop van #1 tot #50 en op bladsy 2 begin dit by #31 en gaan (tans) tot by #64. Die #31 moes seker #51 gewees het?
9. Soms (en ek kan nie vir jou sê wanneer nie!) as jy teks op die forum “copy” dan “paste” dit in Word met ‘n grys agtergrond wat onnodige ink vat as jy dit wil druk.
10. Die Lewer Kommentaar blok is voor gevra dat dit net na die laaste postering moet verskyn, nie onderaan elke bladsy nie.
11. Jul het twee plekke waarvandaan mens 'n nuwe gesprek kan begin - die Skep nuwe onderwerp (in die groen balk) werk reg. Die tweede een egter Pos nuwe forum onderwerp (in rooi) se teks bladsy laat jou nie toe om iets (soos foto’s) of “smilies” aan te heg nie.
12. Daar is nog sommer heelwat onnodige Engelse woorde en sinne in die Jou profiel gedeelte van die forum. (Het tevore vir jul ‘n e-pos hieroor gestuur)

Ek kla nie hoor, ek probeer net help en, moenie "worry" nie - ek sien die veranderinge raak wat gebeur so ek weet die mense is besig hiermee.

Groete - Nico Pietersen

Ek sal graag wil weet hoekom wys dit by my inskrywings GROENTJIE in plaas van SUPER SLEEPER, is dit omdat ek nou minder op die forum is of is dit nog nie reggestel nie

Groete

Aubrey

Zigi - tov Nr 2 op my lysie by kommentaar #4: Ek het vanmore my foto gewysig en vir eers was dit nie gedoen. Ek sien egter nou (ure later) is hy tog gewysig na die een wat ek ingesit het.

Nico Pietersen

Vergeet ek twee ander puntjies ook :

1. Dit sal gaaf wees om weer die funksionaliteit te kry om die kleur van teks te kan verander, Ten minste, ek het dit nie by my ikone nie.
2. Ook om weer die fontgrootte van teks te kan beheer (baie klein, klein, medium, groot, ...) Die 'format' opsies dien nie volledig in hierdie behoefte nie.

Beylie - Ek dink die "routing" is nog nie lekker verfynd nie. Wat ek maar doen om dit reg te kry wat jy wil he is om die "back arrow" van Explorer te gebruik.

Groete - Nico Pietersen

Hallo Zigi,

As julle die draad oor * Sterkampe volg sal julle sien dat daar van die kommentaar verlore geraak het.
 

'n Ander ding is ek sien dat Jaco vir Willem bedank vir die inligting wat nou blyk deur Besoeker gegee is. Ekself het ook aan die begin gesien dat daardie link deur Willem geplaas is. Die moontlikheid is ook baie sterk dat die link deur Willem geplaas is omdat ek weet wanneer Willem die link gekry het. Het Willem en Besoeker se bydraes deurmekaar geraak? Hoe het dit gebeur dat die bydrae eers onder Willem se naam was en later onder Besoeker se naam?

Wie is Besoeker?  Is dit julle by administrasie?

 Zigi en Nico,

Ek weet aan die begin was daar rondom die eerste kommentaar ook ander kommentare waarvan ek die besonderhede nie nou kan onthou nie. Kyk jy na kommentaar 6 en 7 van Tyro dan is dit duidelik dat iets anders by die gesprek betrokke was.

Ek sien ook dat as jy die link na die TGCSA wat ek in my laaste kommentaar (nr. 29) gemeld (herhaal) het, gebruik, dan bring dit jou terug na die forum se webblad en neem dit jou nie na die link se adres toe nie. Ook in my aanvanklike verwysing na die verskillende links in kommentaar nr. 29, het ek baie verseker die regte link na die klagtes adres van die TGCSA gegee - ek het dit destyds getoets soos ek nou ook gemaak het - maar nou het dit vanself daar bo verander na die forum se adres.

Zigi, kom ek probeer weer punt 1 hierbo.

Ek wil nie aanmekaar e-posse kry nie en ek wil ook van nuwe kommentaar weet in 'n draad (op 'n forum) waar ek nie self kommentaar op gelewer het nie. So e-pos doen dit nie vir my nie.

Voorbeeld: Piet pos 'n onderwerp My nuwe varkie in die Gesels saam draad. Ek het hom nog nie gelees nie en as ek ingaan op Forum hoofblad dan is daar 'n sterretjie op die woonwa by gesels saam en 1 nuut word aangedui. Ek weet dus ek moet die forum oopmaak. Ek doen so en nou is die sterretjie weg.

Nou pos willem 'n kommentaar op die My nuwe varkie draad en as ek oor 'n uur of wat op die webwerf aankom, is daar vir my geen aanduiding dat daar aktiwiteit in daardie forum was nie. Ek vra dus dan dat die woonwaentjie vir ALLE nuwe aktiwiteite gemerk moet word - volstaan met die Nuut aanduidings net tov nuwe onderwerpe.

Ek wil dus 2 dinge bereik. Ek wil nie e-posse vir alle aktiwiteite kry nie, maar ek wil as ek die forum oopmaak sommer dadelik sien waar daar aktiwiteit was sonder om die forum self oop te maak en te kyk vir sterretjies in die "praat-prentjies"

Verstaan meneer nou? Sou graag wou hoor wat ander gebruikers te sê het hieroor.

Groete en dankie vir jul harde werk - Nico Pietersen

Zigi waar die kommentaar blokkie moet wees is niks my cursur wil nie flikker in die blokkie nie

Zigi, ek weet nou nie of ek so mal is oor die Besoeker ding nie. Daardie 3 forums word nou "versmoor" in besoekers posterings en die bydraes wat die forumiete lewer skuif so vinnig af, jy kry amper nie kans om dit te lees nie. Miskien moet jul vir ons die redenasie hier rondom beter verduidelik - tans maak dit nie vir my sin nie.

Groete - Nico Pietersen

Is ek die enigste een wat vandag tot tien minute vat vir 'n blad om oop te maak?

Nee - jy is heeltemal reg, maar dit is juis my probleem! "...dui die "nuut" langs 'n onderwerp juis daarop dat daar 'n nuwe kommentaar op daardie draad gelewer is sedert jou laaste besoek..." Ek wil hê die nuut op 'n draad moet OOK die woonwa se sterretjie aanskakel sodat ek nie 'n forum onnodig oopmaak terwyl daar geen nuwe kommentare is nie! So as daar ENIGE "praat-borrel" in 'n forum 'n sterretjie in het, moet die woonwa se sterretjie ook aan wees.

Dalk is dit omdat ek so baie hier kuier dat dit my pla?

Nico