Gekoopte kinders en die skole???

Ja-nee Nikky, so praat hulle 'n klomp bollie om plek oop te hou vir die ingevoerdes.

Johan, wat jy daar seg is baie waar. Sielkundige probleme tel sommige van die kinders wel op. Veral as hy/sy om een of ander rede nou nie meer goedgenoeg is en die beurs word nie hernu nie. Die algemene sielkundige probleem wat baie van hulle ervaar, veral die seuns, is grootkopkry en boelieagtigheid. Nou kyk, hy boelie nie net sy maats nie, maar die onnies loop die ergste deur. Dissiplineer jy hom, kry jy die ouers op jou kop en word jy tot met dood gedreig, soos ek dit ervaar het gedurende 2008. Hulle is gewoonlik die groot klasontwrigters. Die dogters nie soveel nie, maar die rammetjies se aanhangsels join hulle in die "help die klas onbeheerbaar maak" campaign. Die gevolg is dat onderrig erg in die wiele gery word terwyl die bestuur van die skool net hulle skouers optrek.

Die ander ernstige probleem wat ek het is dat ek my kind se skoolfonds ten volle betaal. Al R14500 daarvan. Die gekooptes kry dit of gratis, of so te seg gratis. My kind is ook 'n expert op haar sportgebied, maar omrede dit nie 'n erkende skolesportsoort is nie, kwalifiseer sy nie vir 'n beurs nie. Wat 'n grap. Maw. ek subsidieer 'n saak waarin ek geensins eers seggenskap het nie. Ek help ander ouers se skoolfonds betaal sonder dat ek 'n keuse het of ek dit wil doen of nie. Net om vir julle 'n voorbeeld te gee van hoe pateties hierdie stelsel toegepas word, die volgende: My vriend Barn se seun was in 'n naburige skool wat ook kinners invoer. Hy was 'n goeie rugbyspeler, vir die 1e span skrummie gespeel. Die skool voer toe 'n ander skrummie in en plaas vir Wessel op senter. Die ingevoerde se "alles" word betaal. Tot sy verblyf en etes, sy klere word gratis gewas en gestryk en hy kry 'n sakgeldjie. Alles uit die skoolfonds uit. Barn moes die volle skoolfonds betaal. So gedurende Julie van daardie betrokke jaar bel Barn die skoolhoof en seg so terloops vir hom dat Wessel 'n beurs by 'n ander skool aangebied is, wat nie die geval was nie. Raai wat?  Binne 'n dag is al Wessel se uitstaande skoolfons afgeskryf.

En dan hou ons elke Maandagoggend plegtig saalopening en lees en bid en praat oor skoolreels en ander morele dinge. Wat 'n klug.

Ja-nee Adri. Dit gaan erg by sommige, indien nie almal van hierdie skole nie.

Dubbele standaarde is die inding en dit word onder "Christelike Hoher Onderwys Grondslag" soos die skole hulself bemark, verdoesel.

Julle sal verbaas wees oor hoeveel geld in die kopery van kinders ingepomp word en die ouers wat vol skoolfonds betaal, moet maar opdok of jy kry gou-gou 'n aanmaning en word gedagvaar vir uitstaande skoolfonds.

Een interressante ding wat ek opgemerk het by die Engels medium skool waar ek was, soos hierbo genoem, was dat gemiddeld 72% van die leerders 100% skoolfonds betaal het terwyl die gem. % by die ander Afrikaanse skool hoher was. Die Engelse skool se skoolfonds was wel hoher, maar  hulle het nie kinners gekoop nie. By die Engelse skool het elke onnie 'n rekenaar in sy klaskamer gehad, gekoppel met internet. In die personeelkamer was daar 'n vertrek met nog tien ekstra rekenaars, sodat jy in afperiodes daar kan gaan sit en werk, as jy dit sou verkies. Daar was op daardie stadium drie rekenaarlokale, gekoppel met internet, waar leerders gedurende pouses en na skool kon gaan sit en inligting versamel vir skooltake. Hulle mog net nie op Facebook toer nie. Nuwe geboue was aangebou. die biblioteek aansienlik opgeknap en tegnologies verbeter ens. in die drie jaar wat ek daar was.

By die Afrikaanse skool kon so om en by een derde van die onnies nie 'n rekenaar werk nie. Daar was een rekenaar in die personeelkamer wat virusbesmet was en op 'n stadium opgehou werk het. Daar was een rekenaarsentrum wat slegs aangewend was om Rekenaarprogrammering as vak aan te bied.

By sommige van die ryker skole gaan dit darem so 'n bietjie beter, verstaan ek, wanneer dit by hierdie fasiliteite kom.

Koshuise word omskep in Sportakademies met binneshuise krieketbane waar die gekooptes van ver af, gehuisves word. Die ander skole wat nie oorspronklik koshuise gehad het nie, kry ook nou verblyfplek. Daar word ten duurste verbou en verbreek aan skoolgeboue om dieselfde fasiliteite te verskaf as die skole wat het. To live up to the Jone's. Selfs huise langs, of oorkant skole word uitgekoop en aangewend as kommunes om die gekooptes te huisves en die arme pligsgetroue ouer wat gereeld sy skoolfonds betaal finansier dit. Effe van 'n goor spul, is dit nie?

Ek dink die ouers, wat gereeld skoolfonds betaal, moet voet neersit en eis dat reg en geregtigheid geskied.

Footloose, jy's welkom. Spring sommer boots & all in. Ek wens meer mense wil dit doen.

Johannvs, wat vir my totaal onaanvaarbaar is, is hoe 'n mens, as ouer, 'n prys op jou kind se kop kan plaas. Geen wonder meeste van die kinders ontwikkel later ernstige sielkundige probleme nie. Hulle word eintlik niks anders as alledaagse gebruikartikels wat gekoop en verkoop kan word nie. In die ontwikkelingsproses van die kinders het so-iets beslis geen positiewe uitwerking op hulle selfbeeld en persoonlikheidsontwikkeling nie. Indien hulle wel so dink, is dit van korte duur.

Flippit, ek sou niks daarvan gehou het as my pa my aan 'n ander skool wou verkoop nie. 

Hello Nikky

Jy slaan die tentpen oppie kop. Die sportkant van skole moes lankal soort van geprivatiseer gewees het, sodat die skole hulle op akademiese onderrig kan toespits en ophou om die onderwysers met 'n lot tjol te oorlaai. 

Hello julle.

Elize, jy en Footloose raak die sake aan wat saakmaak en wat die verskil kan maak.

Die grootste probleem gaan gepaard met die algemene dissipline en die toepassing vam die skoolreels deur die bestuur van 'n skool.. Soos Elize tereg genoem het sit ons vandag met ernstige gerdagsprobleme in skole wat spruit uit die basiese opvoeding van die kind by sy ouerhuis soos, gehoorsaamheid, stiptelikheid, respek vir onderwysers an mede leerders en om dit te waardeer wat vir jou aangebied word. 'n Ander tekortkoming wat ek ook in die laaste vier jaar wat ek onderwys gegee het, opgemerk het en wat ek nie voorheen ervaar het nie, is dat die kinders nie van vroeg af geleer word om verantwoordelikhied te neem oor sy eie lewe nie. Ek het die ervaing gehad dat tot matriekleerders se ouers, gewoonlik die mammas, my telkemale nadat die sperdatum verstryk het om tekene en ander werkopdragte in te handig, my kom spreek het om uitstel te vra. Die kind doen dit nie self nie, ma kom vra.

'n Ander groot probleem is dat ouers eerder hul kind sal probeer verontskuldig in 'n saak en die onnie(gewoonlik eerste) of die skool verantwoordelik hou oor 'n issue. Dit word nie objektief benader nie, die onnie of die skool is eenvoudig die skuldige party.

Privaat skole, en ek praat nou van die gevestigde Colleges, bied beurse aan soos julle genoem het, maar dit geskied op totaal 'n ander wyse en doelstelling as die beurstoekenning/kopery by die gewone Departementele skole, maak nie saak of dit Afr. of Eng.-medium skole is nie.

Volgens my mening word die aspek van wen en "beste wees" totaal oorbeklemtoon by hierdie koopskole. Wen is nie die belangrikste nie, maar deelname in 'n goeie gees is. Indien 'n skool dit kan regkry om totale deelname te bevorder onder al die leerders. SAL "wen" en "eerste" self volg, maar die klem bly nog steeds op deelname in 'n goeie gees. Ek het dit ervaar by die genoemde engelse skool waar ek vir drie jaar was. Geen noemenswaardige atletiekprestasie was in 2004 hier te bespeur nie. Drie jaar later was hulle eerste in hul distrik en word opgegradeer na die "groot skole "katagorie toe.

Footloose, die grootte van die klasse en die kwaliteit van onderrig is juis wat my grootste bekommernis is in my vermoede dat daar 'n kopery-siekte by Aimee se skool begin ontstaan. Ek het gesien met van die ander skole wat ontplof het hier in ons area hoe dit die twee aspekte beinvloed het. Nou ja, dit het nie alles te doen met die kopery nie, maar word ook beinvloed deur die "demand" van 'n spesifieke gemeenskap. Sommige, indien nie almal van die koopskole manipuleer ook die "soort" leerder wat hulle by hul skole wil kry deur die "beursstelsel.

Elkgeval, 'n lekker onderwerp om oor te gesels.

Geniet julle naweek. 

'n Ou draad, maar nog steeds relevant.

Ek word nou weer 'n keer warm in die nek oor hierdie sakie.

Tienertjie se skoolfonds is hierdie jaar oor die R18 000. Skoolboeke en ander benodigdhede se koste beloop al R3800 tot dusvêr.

Dan sit daar kinners op dieselfde skoolbanke wat niks betaal nie?????

Dink ek sal die hoof bel en ook maak soos my vriend Barnie. Sê vir hom Aimee is 'n "beurs" aangebied by 'n buurskool. Wat gaan hy daaromtrent doen? My Tienertjie het klaar haar merk goed gemaak by daai skool. Meer as baie van die gekooptes.