Ini Bos Woonwapark | Iets roer in die ruigtes
Ini Bos Woonwapark | Iets roer in die ruigtes
WegSleep #10 | Nov - Des 2008
TEKS EN FOTO'S: Neels van Heerden
 |
 |
 |
|
|
|
|
Selfoon:
082 888 2002
Hoe kom ek daar:
Ry 8 km verby Forever Resort Loskopdam se hoofhek en draai dan op die teerpad na links. Die hoofhek is 500 m verder aan die linkerkant.
Kampering:
Hier is 16 staanplekke. Elke staanplek het sy eie kragpunt, kraan, braai en asblik. Cules Nortje, die eienaar, belowe dat hierdie kraanwater so suiwer is as wat kan kom.
Agt badkamers – elkeen met ’n toilet, wasbak en stort. Hier’s ook twee badkamers met ’n toilet, wasbak, stort én bad. ’n Elfde badkamer het ’n bad in plaas van ’n stort. ’n Opwasplek is teen die muur van die groter ablusieblok aangebring. 
Innibos, ’n splinternuwe kampeerplek noord van die Loskopdam, is vir natuurliefhebbers, pensioentrekkers (wat van hulle stoute kleinkinders wil wegkom) en avonturiers. As jou kinders nie in die gewoonte is om ure lank met mierleeus te speel nie, moet jy liewer by die groot Forever-oorde gaan kampeer.
Elke staanplek beslaan ’n ronde graskolletjie (gemiddeld 16 meter in deursnee) wat met bossies omring is, maar jy kan darem jou buurman so deur die bosse groet.
Net soos Forever Resorts Loskopdam grens dié een ook aan die Loskopnatuurreservaat en veral voëlkykers sal hier in hulle element wees. Die gebied is ook bekend vir sy groot verskeidenheid skoenlappers – kry name Dinsdag 14 Okt en jy kan gaan lyn natmaak in die dam ’n paar honderd meter van die staanplekke af. Die klompie swartbaars sal jou geduld beproef en as daar uiteindelik een byt, kan jy die vis gou vir die kinders wys, maar dan moet jy hom teruggooi.
Hier is ook drie staproetes, waarvan die langste een (6,5 km) berg-op kronkel en jou longe ’n slaggie sal oopmaak.
Wegsleep sê: Kom hierheen wanneer jy net ’n slag op die spreekwoordelike of letterlike klip wil sit.
Ligging
Jy moet ingeteken wees om oor hierdie storie to gesels. Klik hier om aan te meld.
