Die vrou van die karavaan langsaan sal jou wil omkoop om dié maklike reseppie terug te neem huis toe, sodat sy haar vriendinne kan beïndruk.

Jy het nodig

• Sampioene
• Repies spek
• Knoffel
• Gerasperde kaas

Só maak mens

• Geur die sampioene met uiesout.
• Draai ’n repie spek om elke sampioen, wat jy vooraf kan vul met ’n bietjie knoffel en gerasperde cheddarkaas. 
• Braai op die rooster totdat die sampioene gaar is.

WegSleep sê

Gebruik baie knoffel as jy nie al die aangetroude familie wil soengroet nie.