Met dié dis sal jy selfs jou buurman uit sy tent lok. Dit word genoem “Richmond-rib”, maar selfs met ’n ribbetjie uit jou plaaslike Spar sal dit voortreflik smaak.

Jy het nodig

• 1 kg lamsribbetjie
• Sout en Peper
• 250 ml tamatiesous
• 125 ml asyn
• 200 ml suiker
• 5 ml Tobasco

Só maak mens

• Vryf die ribbetjie in met sout en peper na smaak.
• Braai dit oor matige kole, of hang dit sommer langs die vuur totdat dit gaar is.
• Kook intussen die res van die bestanddele vir 5 minute.
• Plaas die ribbetjie in die sous en sit dit terug op die kole vir ongeveer 15 minute.
• Gebruik ’n kwas om die ribbetjies met die orige sous te verf.

WegSleep sê

Jy kampeer: Jy mag maar jou vingers aflek.