Jy benodig

• 200 g babatamaties (gebruik verskillende soorte en kleure, indien moontlik)
• 'n hand vol vars koljanderblare, gekap
• 200 ml olyfolie
• sap van 4 suurlemoene
• sout en peper na smaak
• 1 heel vis, gevlek (ek het 'n rooiroman gebruik)

So maak jy

1 Sny die tamaties middeldeur en meng dit die koljander, sout en peper, die helfte van die olyfolie en die helfte van die suurlemoensap.

2 Proe en pas die smaak aan totdat dit vir jou reg is.

3 Smeer nou die vis met 'n bietjie olyfolie en sit dit oor lekker warm kole.

4 Draai die vis gereeld om en verf hom elke keer met olyfolie en suurlemoensap. Sprinkel sout en peper na smaak oor.

5 Vlok na 10-15 minute 'n stukkie van die vis om te kyk of dit gaar is.

6 Haal dit af en giet die tamatiemengsel oor die warm vis.

WegSleep sê: Enige vis wat jy gewoonlik sou braai sal werk vir die resep. Probeer gerus snoek, geelstert of dorado.