Intussen stoom die keteltjie al reeds op die vuur en jy’t iets nodig om die ergste soetheid mee af te sluk.

Jy benodig

• sterk swart koffie
• 1 blikkie kondensmelk
   

Só maak jy

• Kap twee gaatjies oorkant mekaar in die blikkie se deksel.
• Skink ’n beker stomende swart koffie.
• Gee die koffie ’n goeie roer met ’n teelepel, sodat dit ’n draaikolkie in die middel maak.
• Skink nou ’n dun straaltjie kondensmelk in die draaikolk en kyk hoe jou swart kwagga wit strepe op kry!

WegSleep sê

Kondensmelk is die ideale twee-in-een kopie. Jy’t nie ’n yskas nodig om die melk vars te hou nie, en ook geen irritasie van suikerkorrels op die tafelblad nie.