Basiese pannekoekresep

  • pannekoek4

Jy benodig
(vir 10-12 pannekoeke)

  • 1 koppie koekmeel
  • 2ml sout
  • 2 ekstragroot eiers, geklits
  • 150ml water
  • 200ml melk
  • ½ koppie suiker
  • fyn kaneel

 

Só maak jy

Laat staan sulke dinge. Meng al die bestanddele behalwe die kaneel en suiker in ’n mengbak en laat dit vir 15-20 minute in die yskas staan.

Stap vir stap

1 Sprei uit. a Gooi ’n klein bietjie olie in ’n pan en versprei dit met ’n eierspaan oor die hele bodem.Wanneer jy dink die olie behoort nou warm te wees, kan jy ’n klein bietjie deeg ingooi om te toets.
2 Kant en wal. b Skep nou genoeg deeg in om die bodem heeltemal te bedek, maar probeer die pannekoek so dun as moontlik hou.
3 Moenie karring nie. c Ná 2-3 minute sal jy sien die deeg aan die bokant is nie meer klam nie en dan kan jy die pannekoek se onderkant met die eierspaan probeer loswikkel. As dit nog nie maklik loskom nie, gee dit nog ’n minuut of wat.
4 O-o-om-keer! d Nou kan jy die pannekoek met die eierspaan omdop.
5 Nar met ’n pan. Dit is maklik met ’n eierspaan,

maar meer pret as jy die pannekoek in die lug gooi sodat dit ’n bollemakiesie maak en weer in die pan land. Só doen jy dit: Hou die pan in jou sterk hand en laat sak die punt af grond toe. Die pannekoek sal begin vorentoe gly. Trek nou die pan met ’n vinnige beweging maar met ’n slap pols op na jou toe. Moenie sleg voel as die eerste paar op die grond beland nie; dit verg baie oefening!
6 Die laaste afronding. Skud ongeveer een teelepel kaneel oor die suiker en meng dit goed deur. Sprinkel dan ’n paar lepels van die kaneelsuiker oor die pannekoek, rol dit op en geniet!

WegSleep sê:  Doop die plat kant van ’n deurgesnyde aartappel in olie en smeer jou pan daarmee. Sógooi jy nie te veel olie in nie.